આંખોને વહાવી હોય છે
આંખોને વહાવી હોય છે
1 min
318
આયના સામે જ આંખોને વહાવી હોય છે,
લાગણીઓને અમે ભીતર દબાવી હોય છે...
સાંજ પર આખું જ ફળિયું સુનકારી થઈ ગયું,
આજ એણે દીકરી ત્યાંથી વળાવી હોય છે...
મોત પર પણ કોઈ ગમ હોવો જરૂરી તો નથી,
અવસરે એ જિંદગીને પણ નમાવી હોય છે...
ફાયદા માટે જ તો વેપાર થાતો હોય છે,
લોભ માટે તો અહીં અફવા ચલાવી હોય છે...
એ કબર પાછી અહોભાગી હશે, નામી હશે,
બુતમાં પણ એક કહાણીને સજાવી હોય છે...
ભાર સઘળો કેમ એકલ જગનાં સાચા તાત પર ?
તોય ધરતી પર મહેનતને જ વાવી હોય છે...
'નિત'નો મિજાજ છે વાતાવરણ સાથે સદા,
રણ, સમંદર, તટ મહેફિલો જમાવી હોય છે.