અમે રે ઉંદર
અમે રે ઉંદર
નથી શૂરા અમે સિકંદર
નથી ધનુર્ધર ગજાવતા અંબર
છતાંએ અમે મગરૂર તવંગર
લપાતા કોતરતા અમે રે ઉંદર
કેસરીની હાકોથી અમે અજાણ્યા
ના હાથીની વિશાળ કાયા
છતાંયે આરોગીએ નિત મેવા
સમાજે પોંખેલા અમે ઉંદર એવા
નથી મહા સંત કે નથી મોટા નેતા
છતાંયે ઘરમાં સઘળું લાવી દેતા
રાજપાટના વૈભવ ભોગવીએ સુંદર
સરકારી ખાતાના અમે લાડીલા ઉંદર
પહેરીએ કાળાં ચશ્માં જ આંખે
ફૂંકીફૂંકી કાતરીએ સૌને વહાલે
પ્રસાદ મળે અમે રિઝતા સુંદર
કળિયુગના અમે અવતારી ઉંદર
અમને લાગે સિંહ બિચારા વગડે
કરવા ક્ષુધા તૃપ્ત ફરે અંધારે
માંગું હરિ ભાવ ધરીને અંતર
ભવોભવ બનાવજો મને કળિયુગી ઉંદર.