भाव मनीचे
भाव मनीचे
जुळवाजुळवी ती शब्दांची
सोपी असते ?, मुळीच नाही
असेल समजदार समोरचा
काही खात्री देता येत नाही…!
सांगणे आपले तसे कुणा
कधी रडगाणे ना ठरावे
काय सांगावे ,नि काय नाही
हे ज्याचे त्यानेच ठरवावे …!
बोजड अपेक्षांचे ते ओझे
आत साठवणे बिनकामी
समोरच्याच्या मनात प्रतिमा
नसावी कधी ती कुचकामी …!
भाव भावना व्यक्त करणे
ओढ असते हरेक मनाची
आठवणी असतात याच्या
गुंतवणूक हो हीच मनाची …!