सर्कस

नानाविध कसरती विचित्र

चमत्कारिक कोलांट उड्या

पाहण्या सर्कस थरारक ही

पडती सान-थोरांच्या उड्या

उंच उंचीवरचे झुलते झोके

गरगर गरगर घुमणाऱ्या

फटफटीचा मौत का कुव्वा

पाहुनी मग गरगरते डोके

जोकरची फजिती पाहून

लोकांना खळखळून हसू येते

विदूषक असे हुकमी एक्का

सर्कस त्याच्यावर तर चालते

भवतालीची दुनिया आपली

जन हो एक सर्कसच आहे

चढवून मुखवटे रोज नवे

विदूषकाचे जगणे भाग आहे