ଲାଇବ୍ରେରୀ
ପ୍ରୋଫାଇଲ୍
ମାନବିକତା
ମାନବିକତା
1 min
119
ମାନବିକତା ଲୋପ ପାଇଛି
ମାନବବାଦ ଏକ ଧୂଆଁ ବାଣ
ଅଭିଧାନର ଶବ୍ଦ ଟିଏ
ପାଲଟି ଯାଇଛି
ବିଶ୍ବର ବିଭିନ୍ନ ପ୍ରାନ୍ତରେ
ନର ସଂହାର ଚାଲିଛି
ଅଗଣିତ ଆବାଳ ବୃଦ୍ଧ ବନିତା
ଭିଟା ମାଟି ଛାଡ଼ି
ଶରଣାର୍ଥୀ ଶିବିରରେ
ଭୟାନକ ନିର୍ଜନତାରେ
ବିଳାପ କରନ୍ତି
ଆତ୍ମୀୟ ସ୍ୱଜନ କାହିଁ କେତେ ଦୂରେ
ଝୁରି ଝୁରି ଲୋତକ ଢ଼ାଳନ୍ତି
ପ୍ରାଣ ଖୋଜେ ଆପଣା ମଣିଷକୁ
ନାହିଁ ବନ୍ଧୁତା ପ୍ରେମ ସୁନ୍ଦର
ସବୁଠି ବିରାଜେ ନିସଂଗତା
ଭୟ ଓ ଦିଶାହିନ ଉଜୁଡା ଜୀବନ
ସେମାନଙ୍କ ଅନ୍ତରାତ୍ମା
ବିଳପି ଉଠେ
ଉଦ୍ଧାର କର, ଉଦ୍ଧାର କର
କୁଆଡୁ ବୁଝିବେ
ଏ ମହାମାନୀ, ମହାଗର୍ବି
ମହାକାଳ ନେତୃବୃନ୍ଦ
ଜୀବନ ଦର୍ଶନ
ପରସ୍ପର ମିଳିମିଶି ରହିଲେ
ଯେଉଁ ଖୁସି ମିଳେ
ତାହା ମଣିଷକୁ ଅଧିକ ସୁଖ ଦିଏ
ଅଧିକ ଦିନ ବଞ୍ଚାଇ ରଖେ
ହେ ପ୍ରଭୁ
ଏ ଖଳ ନାୟକ ଚିନ୍ତା ଓ ଚେତନାରୁ
ମାନବିକତାର ଉଦ୍ରେକ କର
ତୁମର ବିଶ୍ଵରୂପ ଦେଖାଅ ।
