ଭରଚୁଆଲ ବିବାହ

ଇହ ପର କାଳ ସାଥୀ ଜୀବନର

ବୈକୁଣ୍ଠ ସମାନ ଘର

ପ୍ରସ୍ତରେ ଖୋଦିତ ଧରମ ବିଶ୍ୱାସ

ଆଜିତ ପାଣିର ଗାର ।

ହରିଦ୍ରାବରଣ ଶୁଭ ମାଙ୍ଗଳିକ

ବରାନୁଗମନ ପ୍ରକ୍ରିୟା

ଲୋଡ଼ା ହେଉନାହିଁ ହୋମ ମନ୍ତ୍ର ପାଠ

ହସ୍ତଗଣ୍ଠି ସପ୍ତ ଫେରା ।

ଅନଲାଇନରେ କଥୋପକଥନ 

ଭରଚୁଆଲ ବିବାହ

ଆଦରୁ ଅଛନ୍ତି କିଛି ଆଧୁନିକ

ଶିକ୍ଷିତ ଯୁବା ବରଗ ।

ନାରୀ ଓ ପୁରୁଷ ଉଭୟ ସ୍ୱତନ୍ତ୍ର

ସ୍ୱଚ୍ଛନ୍ଦ ଆତ୍ମନିର୍ଭର

ନିଜ କର୍ମ ସ୍ଥାନେ ରହିବେ ସ୍ୱଇଚ୍ଛା

ବୋଝ ଲାଗଇ ସ°ସାର ।

କଷ୍ଟକର ପିନ୍ଧା ଶଙ୍ଖା ଓ ସିନ୍ଦୂର

ଏକତ୍ର ସହାବସ୍ଥାନ

ଶାଶୁ ଶଶୁରଙ୍କ ଉତ୍ତର ଦାୟୀତ୍ୱ

କର୍ତ୍ତବ୍ୟ ଅନୁପାଳନ ।

ସୁବିଧା ସୁଯୋଗ ଉତ୍ତମ ସ°ଯୋଗ

ହୁଏ ଯଦି ସହମତି

ମିଶିବେ ଉଭୟ ପତି ଆଉ ପତ୍ନୀ

ଭଲ ରିସୋର୍ଟ ଟେ ବାଛି ।

ମଣନ୍ତି ସହଜ ଅଟଇ ଜୀବନ

ବିବାହଟା ଖେଳଘର

ଘଟଇ ବିଚ୍ଛେଦ ସାମାନ୍ୟ କଥାରେ

ହୋଇଲେ ମନୋମାଳିନ୍ୟ ।

ବିବାହ ନାମରେ ଅସାମାଜିକତା

ପ୍ରଦୂଷିତ ମତି ଗତି

ଅବକ୍ଷୟ କରେ ଐତିହ୍ୟ ସ°ସ୍କୃତି

ଫଳ ଅମଙ୍ଗଳ କ୍ଷତି ।