ଶଙ୍ଖା

କୁଆଁରୀ କନ୍ୟାରୁ ସଧବା

     କରେ ଏ ଶଙ୍ଖା ସିନ୍ଦୂର !

ସଧବାର ପରିଚୟ ଏ

     ନବ ପ୍ରାଣ ସୃଷ୍ଟି ତା'ର !!

ସ୍ୱାମୀର ଆନ୍ତରଙ୍ଗତାର

     ଚିହ୍ନ ଏଇ ଶଙ୍ଖା ସିନ୍ଦୂର !

ସ୍ନେହ ପ୍ରେମର ନିଦର୍ଶନ

     ଯା'ହା ସତ୍ତା ତା'ର ସ୍ୱାମୀର !!

ସ୍ୱାମୀ ହର୍ତ୍ତା କର୍ତ୍ତା ବିଧାତା

     ସ୍ୱାମୀ ତା'ର ଇଷ୍ଟ ଦେବତା !

 ଶଙ୍ଖା ସିନ୍ଦୂର ! ତା' ସ୍ୱାମୀର 

     ସ୍ୱାମୀ ଆହ୍ଲାଦନ କ୍ଷମତା !!

ଶଙ୍ଖା ସିନ୍ଦୂର ଦମ୍ପତିର

      ଦେହ ହୃଦ ସମୀକରଣ !

ଶାରୀରିକ ମାନସିକର

      ଭାରସାମ୍ୟ ସନ୍ତୁଳନ !!

ଶଙ୍ଖା ଓ ସିନ୍ଦୂର ପତିର

      ଶୌର୍ଯ୍ୟ ସୌଭାଗ୍ୟ ଆୟୁଷ !

ସଧବା ନାରୀର ଏଇତ

      ସୁଖ ଶିରୀ, ଶିରୀ ଆଶୀଷ !!

ଶଙ୍ଖା ସିନ୍ଦୂର ନାରୀର

        ସାଥୀ ଗତି ଆଉ ମୁକ୍ତି !

ଶଙ୍ଖା ସିନ୍ଦୂର ସହ ମରଣେ

     ସୁଭାଗୀ ! ତା' ଶ୍ରେଷ୍ଠ ତୃପ୍ତି !!