ଅଲଣା କଥା

ରାନ୍ଧିଥା ବ୍ଯଞ୍ଜନ ଯେତେ ଯତନରେ

ବେସର ମସଲା ଦେଇ 

ସ୍ବାଦହୀନ ତାହା ନୁହେଁ ରୁଚିକର

ଲୁଣ ଯଦି ପଡି ନାହିଁ ।

ଅଲଣା ବ୍ଯଞ୍ଜନ ଅଟେ ମୂଲ୍ଯହୀନ

ଖାଦ୍ଯକୁ ନୁହଁଇ ଯୋଗ୍ଯ 

ହୋଇଥାଏ ଯଦି ବଚନ ଅସତ୍ଯ

ନୁହେଁ ତାହା ଗ୍ରହଣୀୟ ।

ବୃଥା ଆସ୍ଫାଳନ ଧମକ ଚମକ

ଛୋଟକଥା କରି ବଡ

ନଭାବି ନଚିନ୍ତି କିଛି ଆଗପଛ

କଥା କହିଥାନ୍ତି ମୁଢ ।

ଲାଗେ ଅବାନ୍ତର କଥାଟି ଅଲଣା

ନିରର୍ଥକ ଅବାସ୍ତବ 

ଶୁଣି ବଚନକୁ ଜାଣିହୁଏ ବ୍ଯକ୍ତି

ଚରିତ୍ର ନୀଚ୍ଚ ସ୍ବଭାବ ।

ଥାଉ ଯେତେ ଉଚ୍ଚ ପଦବୀ କ୍ଷମତା

ବେଶଭୂଷା ଥାଟବାଟ

ବଚନ ଅସତ୍ଯ କହିଥାନ୍ତି ଯିଏ 

ଭଣ୍ଡ ସିଏ ମହାଠକ ।

ବୁଝିଅଛି ଯିଏ ବଚନର ମୂଲ୍ଯ

ଶବ୍ଦବ୍ରହ୍ମ ତତ୍ତ୍ବ ଜ୍ଞାନ 

କଥା ଦେଇ ନିଶ୍ଚେ କରନ୍ତି ପାଳନ 

ଥିବା ଯାଏ ପିଣ୍ଡେ ପ୍ରାଣ ।

    -----