Library
Profile
କାଳିଜାଇ ଦର୍ଶନ
କାଳିଜାଇ ଦର୍ଶନ
ଭୂବନେଶ୍ୱର ରୁ କିଛି ସାଙ୍ଗ ସାଥି
ବାହାରିଲୁ ହୋଇ ମେଳି
ଲକ୍ଷ୍ୟ ରଖିଥିଲୁ ଯିବୁ କାଳିଜାଇ
ଦେଖିବୁ ତାରାତାରିଣୀ ।
ଚିଲିକା କୂଳରେ ବାଲୁଗାଁ ଠାରେ
ଅଟକିଲା ଆମ ଗାଡ଼ି
ଦେଖିଲୁ ସେଠାରେ ମଟର ଚାଳିତ
ବୋଟ ଧାଡ଼ିକୁ ଧାଡ଼ି ।
ଜୀବନ ସୁରକ୍ଷା ଜ୍ୟାକେଟ ପିନ୍ଧିଣ
ସନ୍ତର୍ପଣେ ପାଦଚାପି
ଜେଟି ପରେ ଚଢ଼ି ବସିଲୁ ଆସନେ
ପଟୁଆ ରେ ସବୁ ସାଥି ।
ଚିଲିକାର ନୀଳ ଜଳରାଶି ମଧ୍ୟେ
ଡଙ୍ଗା ଯାଉଥିଲା ଭାସି
ବଢୁଥିଲା ଆମ ଆଗ୍ରହ ଉତ୍କଣ୍ଠା
ମନ ଲାଗୁଥିଲା ଖୁସି ।
ଗାଉଥିଲୁ ଗୀତ ମନ ଆନନ୍ଦରେ
ଦେଖୁଥିଲୁ ଦୃଶ୍ୟ ରାଜି
ହ°ସ ହ°ସରାଳି ଜାତି ଜାତି ପକ୍ଷୀ
କରୁଥିଲେ ଜଳକେଳି ।
ଛାୟାଚିତ୍ର ପ୍ରାୟ ଦିଶୁଥିଲା ଦୂରୁ
ପାରିକୁଦ ଓ ମାଲୁଦ
ନିଳାମ୍ବୁ ଚିଲିକା ଦୃଶ୍ୟ ମନୋରମ
ଦର୍ଶକ ହୁଏ ବିଭୋର ।
p>
ସବୁଜ ସୁନ୍ଦର ଛୋଟ ଏକ ଟାପୁ
ପାହାଡ ଉପରେ ସ୍ଥିତ
କାଳିଜାଇଙ୍କର ସୁଦୃଶ୍ୟ ମନ୍ଦିର
ଅଟଇ ବଡ଼ ବିଖ୍ୟାତ ।
ଅଛି ଜନଶୃତି କାଳିଜାଇ ନାମ୍ନି
ସୁକୁମାରୀ ଭୁଆସୁଣୀ
ପିତାଙ୍କ ସହିତ ଯାଉଥିଲା ନିଜ
ଶାଶୁଘର ଲେଉଟାଣି ।
ହଠାତ ଆସିଲା ଦୁର୍ଭାଗ୍ୟକୁ ଝଡ଼
ବୁଡିଗଲା ଦେଶୀ ନାଆ
ସଲୀଳ ସମାଧି ଲଭିଲା ଅକାଳେ
ନିରୀହା ବାଳୁତା କନ୍ୟା ।
ସେ ଦୁଃଖଦ ସ୍ମୃତି ରହିଛି ଜୀବନ୍ତ
ଲୋକଙ୍କ ହୃଦୟ ମନେ
କାଳିଜାଇ ସ୍ୱର ଶୁଣିଛନ୍ତି କିଛି
ନାଉରୀ ଓ ଅନ୍ୟ ଜନେ ।
ଦେବୀ ରୂପେ ସେହି ନିକାଞ୍ଚନ ସ୍ଥାନେ
ରହିଛନ୍ତି କାଳିଜାଇ
ଉଦ୍ଧାର କରନ୍ତି ବିପଦ ଆପଦୁ
ଜନଶୃତି ଅଛି ରହି ।
ଆସିଥିଲୁ ଫେରି ଲେଉଟାଣି ପଥେ
ସାରି ଆମ ଦରଶନ
ରହିଛି ଅଭୁଲା ପ୍ରତ୍ୟକ୍ଷାନୁଭୂତି
ସୁଖଦ ପରିଭ୍ରମଣ ।
