ସାବଧାନ ସାଧୁ
ସାବଧାନ ସାଧୁ
ସାବଧାନ ସାଧୁ
ଗ୍ଲାନିଗ୍ରସ୍ତ ବିଶ୍ୱ ଆମ ଏ ଭାରତ
କାଳର କରାଳ ସନ୍ଧିକ୍ଷଣ ଉପନୀତ,
ଧର୍ମର ହୋଇବ ବିଜୟ ନିଶ୍ଚିତ
ବିନାଶ ହୋଇବେ ମ୍ଳେଚ୍ଛ ।
ସାବଧାନ ସାଧୁ
ଯୁଗେ ଯୁଗେ ହୁଏ ଧର୍ମ ସ°ସ୍ଥାପନ
ବାରହାତ ଖଣ୍ଡା ଧରି,
କଳ୍କୀ ଅବତାରେ ହେବେ ଅବତୀର୍ଣ୍ଣ
କାଳ ଧୂମକେତୁ ପରି ।
ସାବଧାନ ସାଧୁ
ନ ମାନିବେ କେହି ଗୁରୁ ଗୁରୁଜନ
ସର୍ବେ ବୋଲାଇବେ ରାଜା,
ଅସାଧୁ ଧରିବେ ଶାସନ ଡୋରୀକୁ
ଗୋଳେ ବୁଲୁଥିବ ଖଣ୍ଡା ।
ସାବଧାନ ସାଧୁ
ବୁଦ୍ଧି ଓ ବିବେକ ହୋଇଯିବ ନାଶ
ମଣିଷ ହେବ ରାକ୍ଷସ
କାଳ କ୍ଷେପଣାସ୍ତ୍ର ଯନ୍ତ୍ରର ଦାନବ
ରଚିବ ମହା ବିଧ୍ୱ°ସ ।
ସାବଧାନ ସାଧୁ
ସରବେ ଚଢିବେ କାଳିଆ ଘୋଡାରେ
କଳକୀ ସର୍ବ ଶକ୍ତିମାନ
ଧ୍ୱଂସର ତାଣ୍ଡବ ରଚିବ ପ୍ରକୃତି
ପ୍ରଜ୍ଜ୍ୱଳିବ ଲେଲିହାନ ।
ସାବଧାନ ସାଧୁ
ନ କର ବିଳମ୍ବ ଆଚର ସ°ଯମ
ବିନାଶ କୁପଥ ପରିହର,
ସୃଜନ କରମେ ଢ଼ାଳ ମନପ୍ରାଣ
ହୁଅ ସବୁଜ ସୁନ୍ଦର ।