ବାତ୍ୟା ଆସୁଛି

ଊଣେଇଶ ଅନେଶତ ମସିହା

ମହାବାତ୍ୟା କଥା ମନେପଡିଗଲେ

ଭୟରେ ମୋ କମ୍ପି ଉଠଇ ହିଆ ।

ଡିରେମ୍ବରେ କେବେ ବାତ୍ୟା ହେବାର

ପିଲାଟିରୁ ଆସି ବୁଢା ମୁଁ ହେଲିଣି

ଶୁଣି ନଥିଲା ଏ କାନ ମୋହର ।

ବିଲରେ ମୋ ଠିଆ ପାଚିଲା ଧାନ

ବରଷା ପବନ ଉଜାଡିବ ସବୁ

କିଏ କରିବ ମୋ କ୍ଷତି ପୂରଣ ।

ଡାକବାଜି ଯନ୍ତ୍ର ଛାଡୁଛି ରଡି

ବାତ୍ୟାଶ୍ରୟ ସ୍ଥଳ ସୁରକ୍ଷିତ ସ୍ଥାନ

ଚାଲିଯାଅ କଚା ଘରକୁ ଛାଡି ।

ସମୁଦ୍ର କୂଳିଆ ଘର ଯାହାର

ଭାସିଯିବ ସବୁ ଆଖି ପିଛୁଳାକେ

ମାଡି ଆସୁଅଛି ଉଚ୍ଚା ଜୁଆର ।

ପବନ ବହିବ ଅତି ପ୍ରଖର

ବଡ ବଡ ବୃକ୍ଷ ଟଳିବେ ରାସ୍ତାରେ

ଯିବା ଆସିବାରେ ବିପଦ ଘୋର ।

ସରକାରଙ୍କର ସତର୍କବାଣୀ

ଟିଭି ରେଡିଓରେ ପ୍ରସାର ହେଉଛି

ମାନିକରି ରୁହ ତାହାକୁ ଶୁଣି ।

ସୁଦୀର୍ଘ ସମୁଦ୍ର ତଟ ଆମର

ପ୍ରାକୃତିକ ଏହି ଝଡ ବାତ୍ୟା ଆମ

ହୋଇଗଲାଣି ଚିର ସହଚର ।