Library
Profile
ସ୍ମୃତିରେ ଭଗତ ସିଂ
ସ୍ମୃତିରେ ଭଗତ ସିଂ
ସଲାମ୍ମ୍ ଘେନ ହେ ବୀର ଭଗତ,
ଭାରତ ମାଆର ପରମ ଭକ୍ତ,
ନିଗାଡି ଦେହରୁ ତାତିଲା ରକ୍ତ,
ଦେଶ ମାତୃକା ପାଇଁ
ପୁରିନି ତୁମକୁ ତେର ବରଷ,
ଲିଭିନି ଓଠରୁ ଶୈଶବ ହସ,
ଦୁର୍ବାର କରି ତୁମ ସାହସ,
ଡେଇଁଲ ଯୁଦ୍ଧ ଭୂଇଁ ।
ଜାଲିଆନାୱାଲା ବର୍ବର କାଣ୍ଡ,
ବିଗିଡେଇ ଦେଲା ତୁମରି ମୁଣ୍ଡ,
ବିପ୍ଲବୀ ମନକୁ କଲା ଉଦଣ୍ଡ,
ଛାଡ଼ିଦେଲ ବିଦ୍ୟାଳୟ
ସହୀଦ ରକତେ ସେ ଭିଜା ମାଟି
ନିଜ ଘରେ ରଖି ପୂଜିଲେ ନିତି,
ମନରେ ଭରିଲ ଅସୀମ ଶକ୍ତି,
ରଚିଲ ତୁମେ ପ୍ରଳୟ।
ଦେଶ ଭକ୍ତଙ୍କୁ କରାଇ ରୁଣ୍ଡ,
ବ୍ରିଟିଶ ବିରୁଦ୍ଧେ ଖୋଲିଲ ତୁଣ୍ଡ,
ଗଡାଇବ ବୋଲି ପୋଲିସ ମୁଣ୍ଡ,
ନେଲ ହେ ବଜ୍ର ଶପଥ
ବିଧାନ ସଭାରେ ପକାଇ ବମ୍,,
ଦେଖାଇଲ ତୁମେ ନିଜର ଦମ୍,
କେଉଁଥିରେ ତୁମେ ନୁହେଁ ତ କମ
୍,
ବଳିଦାନ ଦେଲ ସ୍ଵାର୍ଥ।
ଶିବରାମ, ସୁଖଦେବ ସହିତ,
ଆଜାଦ୍ ଙ୍କ ସାଥେ ମିଳାଇ ହାତ,
ପୁଲିସ କୁ ,ମିଶି, କରିବ ହତ,
କରିଲ ତୁମେ ଯୋଜନା
ଲାଲାଜୀଙ୍କୁ ପିଟି ଯେଉଁ ପୁଲିସି,
ତୁମ ବିଚାର ରେ ହୋଇଲା ଦୋଷୀ,
ମାରିବାକୁ ତାକୁ ସଭିଁଏ ମିଶି,
କରିଲ ଗୁଳି ଚାଳନା ।
ମୃତ୍ୟୁ ତୁମକୁ ପାରିବନି ଛୁଇଁ,
କାନ୍ଦୁଛି ଭାରତ ଆଜି ତୁମ ପାଇଁ,
ସ୍ମୃତି ରେ ତୁମେ ରହିଥିବ ଚେଇଁ,
ଇତିହାସ ତା'ର ସାକ୍ଷୀ
ତୁମ ବଳିଦାନ,ନିଃସର୍ତ୍ତ ସ୍ବାର୍ଥ,
ଦେଶ ପ୍ରେମ ବହ୍ନି କରୁଛି ଜାଗ୍ରତ,
ତୁମ ପାଦ ତଳେ,ଏ ସାରା ଭାରତ,
ରହିଥିବ ମଥା ପାତି,
ରହିଥିବ ମଥା ପାତି ।
