ସ୍ଵାଭିମାନୀ ମଧୁ ବାବୁ

ଦେବାଳିଆ ହେଇ ଚାଲିଗଲ ହେଲେ  

      ଦେଇନାହଁ ସ୍ୱାଭିମାନକୁ ବିକି।

ମଧୁବାବୁ ତୁମ ଦୃଢ଼ ଇଚ୍ଛାଶକ୍ତି  

     ଅଭାବ କଷଣ ପାରିନି ରୋକି।୧।

ଓଡ଼ିଆ ଜାତିର ଅସ୍ମିତା ପାଇଁକି 

     ଲଢ଼ି ଲଢ଼ି କେତେ ଦେଇଛ ତଣ୍ଡ।

ଉତ୍କଳ ଟ୍ୟାନେରୀ ବୁଡିଗଲା ହେଲେ 

     ଗୁଣବତ୍ତା ପାଶେ ନଇଁନ ମୁଣ୍ଡ।୨।

ଓକିଲାତି କଲ ପାଉଣା ନେଲନି 

      ଓଡ଼ିଆ ଜାତିର ଦେବତା ପାଇଁ।

ଏବେ ଆସି ଦେଖ&nbs

Advertisement

p;କେମିତି ଅସ୍ମିତା  

      ଅର୍ଥ ପାଶେ ଦିଏ ମୁଣ୍ଡ ନୁଆଇଁ।୩।

ମନ୍ତ୍ରୀ ହେଲ ହେଲେ ନେଲନି ଦରମା 

     ଲାଜ ଲାଗେ ଏବେ ମନ୍ତ୍ରୀଙ୍କୁ ଦେଖି।

ଜାତି ନନ୍ଦିଘୋଷ ବାଟ ହୁଡି ଯାଏ 

     ନିଜ ସ୍ଵାର୍ଥ ତହିଁ ସାଜେ ସାରଥି।୪।

ଶୂନ୍ୟ ହସ୍ତେ ତୁମେ ଆସିଥିଲ ପୁଣି 

       ଗଲ ସିନା କରି ହାତକୁ ଶୂନ।

ଓଡ଼ିଆ ସ୍ମୃତିରେ ଅମର ରହିବ 

       ଉତ୍କଳ ଗୌରବ ମଧୁସୂଦନ।୫।