ମହଲ କୋଠରୀ
ମହଲ କୋଠରୀ
କେଡେ ଭୟଙ୍କର ମହଲ କୋଠରୀ
ଉପୁଯାଏ ନିତି ଭୀତି
ଭୂତ କୋଠୀ ଭାବେ ପରିଚିତ ଖ୍ୟାତ
ଭୂତ ପିଶାଚ ରାଜୁତି ।
ଲାଗି ରହିଅଛି ରାତି ଦିନ ଏବେ
ଘୋ ଅ ଘାଆ ଘଉଁ ଘାଉଁ
ସାଥେ ନିତି ଶୁଭେ ଧଡ୍ ଧାଡ ଫଡ
ଫାଡ ଧଡସ ଓ ମ୍ୟାଉଁ ।
ଭୂତ ପ୍ରେତ ଛୁଆ ନାଚି କୁଦି ଡିଆଁ
ମାରୁ ଥାନ୍ତି ସଦା ଯହିଁ
ଦୂରୁ ଶୁଭେ ନିତି ଖେଳାଏ ଯେ ଭୀତି
ପ୍ରଗାଢ଼ ଆତଙ୍କ ପାଇଁ ।
ଜଙ୍ଗଲ କୋଣରେ ଅଛି ସେ ମହଲ
କୋଠରୀ ଗୁଡ଼ିକ ବନ୍ଦ
ସଞ୍ଜ ହେଲେ ଭାସି ଆସେ ସେହି ଠାରୁ
ପିଲା ଛୁଆ କାନ୍ଦ ଶଦ୍ଦ ।
ଆତଙ୍କେ ଶିହରୀ କମ୍ଫି ଉଠେ ହିଆ
ପ୍ରାଣ ମନ ବିଚଳିତ
ଲାଗି ରହି ଥାଏ ଭୂତ ମହଲ ର
କୋଠରୀ ଭୟ ସତତ ।
ବହୁ ବର୍ଷ ଧରି ଚଳି ଆସେ ତାହା
ନିଶୁନ ଜଙ୍ଗଲ କୋଳେ
ଚାହିଁ ନ ହୁଅଇ ସେ ଆଡ଼କୁ କେବେ
ଦିନ କି ଅବା ରାତିରେ ।।