Click here to enter the darkness of a criminal mind. Use Coupon Code "GMSM100" & get Rs.100 OFF
Click here to enter the darkness of a criminal mind. Use Coupon Code "GMSM100" & get Rs.100 OFF

Santosh Kumar Nayak

Abstract Inspirational Others


5  

Santosh Kumar Nayak

Abstract Inspirational Others


କବି ଓ କବିତା

କବି ଓ କବିତା

1 min 479 1 min 479


କବିତା କୋଣାର୍କ ତୋଳି ଦେଇପାର

ଶବ୍ଦରେ ଶବ୍ଦକୁ ଯୋଡ଼ି,

କଲମ ନିହାଣେ କେତେ ରୂପ ପୁଣି

ତୁମେ ଦେଇପାର ଗଢି ।


ନନ୍ଦନ ବନରୁ ପାରିଜାତ ଆଣି

ପ୍ରେୟସୀ ବେଣୀରେ ବାନ୍ଧ,

କାଳିରେ ସଜାଅ ପ୍ରିୟାକୁ ଏମିତି

ଲାଜ ହେଇଯାଏ ଚାନ୍ଦ ।


ପ୍ରଜାପତି ସହ ଉଡି ବୁଲ ତୁମେ

ଫୁଲରୁ ଫୁଲକୁ ନିତି,

ଇନ୍ଦ୍ରଧନୁ ରଙ୍ଗ ମାନସରେ ଭରି

ଗାଅ ପ୍ରକୃତିର ଗୀତି ।


ବିରହ ବେଦନା ପ୍ରେମିକ ଭାବନା

କବିତା ପଂକ୍ତିରେ ଆଙ୍କ,

ଗରିବର ଭୋକ ଅଭାବୀର ଦୁଃଖ

ସରଳ ଭାଷାରେ ଲେଖ ।


ସାମ୍ୟବାଦ ମନ୍ତ୍ର ଗାଇଚାଲ ତୁମେ

ଭେଦଭାବ କରି ଦୂର,

ହିନ୍ଦୁ ମୁସଲିମ ସର୍ବେ ଏକାକାର

ନାହିଁ ପର ଆପଣାର ।


ଭାଷାପ୍ରୀତି ଆଉ ଦେଶପ୍ରେମ ଭାବ

ଜଗାଅ ପାଠକ ମନେ,

ପୁରାଣ ବାରତା ଇତିହାସ ଗାଥା

କହି ଯାଅ କାନେ କାନେ । 


ଧନ୍ୟ ତୁମେ କବି କଲମ ମୁନରେ

ଆଣି ପାର ତୁମେ କ୍ରାନ୍ତି,

ପଦରେ ପଦରେ ନିଆସି ମନରେ

ଭରି ପାର ପୁଣି ଶାନ୍ତି ।।



Rate this content
Log in

More oriya poem from Santosh Kumar Nayak

Similar oriya poem from Abstract