Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pranati Panda

Abstract

5.0  

Pranati Panda

Abstract

ରଙ୍ଗ (ସମ୍ପର୍କର ନଦୀ ତୀରେ)

ରଙ୍ଗ (ସମ୍ପର୍କର ନଦୀ ତୀରେ)

1 min
472



ସ୍ବପ୍ନରେ ଅନେକ ଦୃଶ୍ୟମାନ ହୁଏ

ସମ୍ପର୍କ ସ୍ମୃତିର ସ୍ଥିତି,

କେଜାଣି କାହିଁକି ସ୍ମୃତିର ସନେଟ୍

ପ୍ରତୀକ୍ଷାର ହୁଏ ଇତି।


ସୁଖ ଆସେ କେବେ ସାମୟିକ ଭାବେ

ଦୁଃଖ ହିଁ,ତ ଚରାଭୂଇଁ ,

ଆସ୍ଫାଳନ କେବେ କରିନାହିଁ ମୁଁ , ଯେ

ଆକାଶ ଛୁଇଁବା ପାଇଁ।


ପଚାରି ପାରିନି ସମୟକୁ କେବେ

ଅତିକ୍ରାନ୍ତ ବୟସରେ,

ଜାଣିଛି ସମୟ କାହାରି'ବି କେବେ 

ରହେ ନାହିଁ ଅକ୍ତିଆରେ ।


ସ୍ବପ୍ନଭଙ୍ଗ ଦୁଃଖ ଆଙ୍କିବାକୁ ଆଜି 

ତୂଳୀ ରଙ୍ଗ ମୁଁ ଖୋଜୁଛି ,

ଅଟ୍ଟହାସ୍ୟ କରେ  ସାଇତା ସମ୍ପର୍କ

ସମୟ ତ, ବଦଳିଛି।


ସମୟ କହୁଛି ଦମ୍ଭଧର ଟିକେ

ଆଙ୍କ ଇନ୍ଦ୍ରଧନୁ ଚିତ୍ର,

ସପ୍ତରଙ୍ଗ ଲେସି ଦେଖ ଆଇନାରେ

ଲାଗିବ କେତେ ବିଚିତ୍ର।


ହୃଦୟ କହୁଛି ଅନେକ ଆଙ୍କିଛି

ସମ୍ପର୍କରେ ରଙ୍ଗ ଲେସି ,

ସବୁ ରଙ୍ଗ ଫିକା ପଡ଼ି ଯାଇଅଛି 

କେବଳ ମୁଁ ହୁଏ ଦୋଷୀ ।


ତଥାପି ଆଙ୍କୁଛି ଆଙ୍କିବାକୁ ହେବ

ଭରା ଦର୍ଶକଙ୍କ ମେଳେ ,

ବିଗତ କାଲିର ଆଜିର ଭିତରେ

ରଙ୍ଗ ଲୁଚକାଳି ଖେଳେ ।


ମହାକାଳ ଫଳ ଆଭ୍ୟନ୍ତର ଦୃଶ୍ୟ

କିଛି ରୂପ କିଛି ରଙ୍ଗ ,

ତାହା ସମୟର ନକଲି ରଙ୍ଗରେ

ହୋଇଥାଏ ମୋହଭଙ୍ଗ।


    


Rate this content
Log in