Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Ranjita Das

Abstract Inspirational Others

4.6  

Ranjita Das

Abstract Inspirational Others

ଉତ୍କୃଷ୍ଟ ଓଡିଶା

ଉତ୍କୃଷ୍ଟ ଓଡିଶା

2 mins
1.2K


ଓଡିଶା ନୁହଇଁ କେବଳ ପୁରୀ, କୋଣାର୍କ, ଭୁବନେଶ୍ୱର,

ରତ୍ନଗଭା ରାଇଜ ଏ ତିରିଶି ଜିଲ୍ଲାର ସମାହାର ।

ଆସନ୍ତି କେତେ ଯାଆନ୍ତି କେତେ ସୁନ୍ଦରତାର ବାସ୍ନା ବାରିବାକୁ,

ପୁଣି ପଛକୁ ଫେରି ଦେଖନ୍ତି ଏ ଓଡ଼ିଶାର ରୂପରେଖକୁ ।

ବୁଝିବାକୁ ହୁଏ କଷ୍ଟ ତାଙ୍କୁ ଏଇ ରାଇଜର ଭୂଗୋଳକୁ,

ଉତ୍ତରରେ ନୁହେଁ କି ଦକ୍ଷିଣରେ ନୁହେଁ

ଓଡିଶା ରହିଛି ପୂରୁବକୁ ||


ଇତିହାସରେ ନାଁ ଅଛି ଏଇ ରାଇଜର,

ତଥାପି ଅବହେଳିତ ଏ ରାଜ୍ୟ ଏବଂ ଗରିମା ଏହାର ।

ହୁଅନ୍ତୁ ସେ ଗୋପବନ୍ଧୁ କି ମଧୁ ବାରିଷ୍ଟର ,

ଉତ୍କଳ ଭୂମି ଏ ମାଟି ବୀରଙ୍କର ।


ଆଦିବାସୀ ରାଇଜ ବୋଲି ହୁଡ଼ି ପକାଉଛୁ କାହିଁ ,

ଆଦିମରୁ ଜାତ ତୁ ଆଦିବାସୀରୁ ତହିଁ ।

ଯାନିଯାତ ପରବ ଗୌରବ ସବୁକୁ ଆଦରି

ଓଡ଼ିଆଣୀ ପାଳେ କେତେ ଯାନିଯାତ

ପରଶେ ଖିରି ଆଉ ପୁରି।|


କଟକର ବାଲିଯାତରା କି ସମ୍ବଲପୁର ଶୀତଳଷଷ୍ଠୀ,

ସଭିଏଁ ଭାଇ ଭାଇ ମିଳିମିଶି ପାଳନ୍ତି ଏକାଠି ।

ଚିଲିକାର ଦୃଶ୍ୟ ଅଟେ ଅତି ମନୋହର ,

ପୁରୀରୁ କୋଣାର୍କର ରାସ୍ତା ଯୋଗାଏ ଖୁସିର ଆହାର ।


ଧାମରା ବନ୍ଦର ହେଉ କି ହେଉ ଚାନ୍ଦବାଲି ,

ସାଳନ୍ଦୀ , ବୈତରଣୀ ହସେ ଖିଲିଖିଲି ।

ଯାଜପୁର ଜିଲ୍ଲା ମା' ବିରଜାଙ୍କ କ୍ଷେତ୍ର ,

ମା' ର ଦର୍ଶନରେ ଭରିଯାଏ ନେତ୍ର ।

କୁସୁମା ପୋଖରୀ ଡାକେ ହାତକୁ ଯେ ଠାରି ,

ଶୋଭା ସେ ବଢାଏ ଲଳିତଗିରି , ରତ୍ନଗିରି ଓ ଉଦୟଗିରି ।


ତାଳଚେର ଗଣେଶ ପୂଜା

ଦେବଗଡର ପୁଷପୁନି ପର୍ବ ,

ଅନୁଗୁଳ ସାତକୋଶିଆ ଆମ ଓଡ଼ିଶାର ଗର୍ବ ।

କଳା ହୀରାର ସହର ଆମ ତାଳଚେର,

ଆମ ଦେବଗଡ ଅଟେ ପ୍ରକୃତିର ଗନ୍ତାଘର ।

ଝରଣାର ସହର ଜିଲ୍ଲା ଦେବଗଡ ,

ପ୍ରଧାନପାଟ , ଦେଓଝରନ ଏଠି ଝରେ ଝର ଝର ।


ଢେଙ୍କାନାଳ ଲକ୍ଷ୍ମୀପୂଜା

ଘଟଗାଁ ମା' ତାରିଣୀ,

ସଭିଙ୍କ ଦୁଃଖ କରେ ଦୂର

ମା' ସେ ଦୁଃଖ ହାରିଣୀ ।

ସୌନ୍ଦର୍ଯ୍ୟର ଗନ୍ତାଘର ଆମ କେନ୍ଦୁଝର ,

ସାନଘାଗରା ,ବଡଘାଗରା ମନକୁ ଡାକେ ବାରମ୍ବାର ।


ଚାନ୍ଦିପୁର କୂଳ ଖେଳେ ଲୁଚକାଳି

ଯେତେ ଖାଇଲେ ବୁଝେନି ଏ ମନ

ବାଲେଶ୍ୱର ଛେନାଗଜା ଓ କେନ୍ଦ୍ରାପଡା ରସାବଳି ।

ମା' ସାରଳାର ଦର୍ଶନକୁ ଝୁରୁଥାଏ ଏ ଆଖି ,

ଖୋର୍ଦ୍ଧାର କୋରା ଖଇ ପାଖେ ମନ ଯାଏ ଲାଖି ।


ଇସ୍ପାତନଗରୀ ରାଉରକେଲା ବେଦବ୍ୟାସ

କୋଇଲିଘୁଘର ଜଳରାଶି

ପୁଣି ବିକ୍ରମଖୋଲ କହେ ଇତିହାସ ।

ହକିର ପାନ୍ଥଶାଳା ଆମ ସୁନ୍ଦରଗଡ

କୋଇଲାଖଣିର କେନ୍ଦ୍ର ସେ ବେଲପାହାଡ ।


ଓଡ଼ିଶାର ଭାତ ହାଣ୍ଡି ଆମ ବରଗଡ଼,

ପୁଣି ମନକୁ ଯେ ଟାଣେ ନୟାଗଡ ଛେନାପୋଡ଼ ।

ବରଗଡ଼ ଧନୁଯାତ୍ରା ଦୁନିଆରେ ନାଁ କଲା ,

ଗନ୍ଧମାର୍ଦ୍ଧନ ପର୍ବତ ଶୋଭା ବଢ଼ାଇଲା ।


ବାରିପଦା ମୁଢି ମାଂସ ,ବଲାଙ୍ଗୀର ଚାଉଳ ବରା ,

ଘରେ ଘରେ ଜମେ ପଖାଳର ଆସର ଆସିଗଲେ ଖରା ।

ଶୀତଦିନେ ନାଲି ଅଦା ଚା' ସଙ୍ଗେ ମୁଢି -ବାରମଜା,

ପଖାଳ ଭାତରେ ପିଆଜ ସାଙ୍ଗକୁ ଥାଏ ମାଛଭଜା ।


ସୋନପୁର ବୋମକାଇ ଶାଢ଼ୀର ଚମକ,

ପୁଣି ଟେରାକୋଟା ହସ୍ତଶିଳ୍ପର ମହକ ।

ଚାରିଶମ୍ଭୁ ମନ୍ଦିର ବଢାଏ ଯେ ଶୋଭା .,

ପ୍ରକୃତିର ଅପୂର୍ବ କଳା ପଦ୍ମତୋଳା ଅତି ମନଲୋଭା ।


ଗଞ୍ଜାମର ଗର୍ବ କୃଷ୍ଣସାର ମୃଗ ,

ଦାରିଙ୍ଗିବାଡ଼ି କହେ କଥା ଆମ ଓଡ଼ିଶାର ସ୍ୱର୍ଗ ।

ଗଜପତି ଜିଲ୍ଲା ବଢାଏ ଓଡ଼ିଶାର ଶୋଭା ,

ଚନ୍ଦ୍ରଗିରି ଜିରାଙ୍ଗ ଆହାଃ କି ମନଲୋଭା ।

ପାରଳାଖେମୁଣ୍ଡିର ରାଜରାଜୁଡା ନୀତି ଇତିହାସ କହେ ,

ବୃନ୍ଦାବନ ମହଲ ସେ ମନକୁ ଯେ ମୋହେ ।


ଘୁମୁରା ଘୁମୁରା ନୃତ୍ୟ କଳାହାଣ୍ଡିର ଗୋୖରବ

ହବାସପୁରି ଶାଢ଼ୀ ପାଇଁ ଓଡିଶା କରେ ଆଜି ଗର୍ବ ।

ଦେବଗିରି ପର୍ବତ କହେ ସମ୍ପୂର୍ଣ୍ଣ କାହାଣୀ,

ଚେକାଗୁଡା ଝୁଲା ପୋଲ କହେ ଅସୁମାରୀ ବାଣୀ ।


ମଣ୍ଡେଇ ଯାତ୍ରାର ଖୁସିରେ ନବରଙ୍ଗପୁର ନାଚିଲା,

ସେଇ ମାଟିରେ ପୁଣି ମକା ଯେ ଚମକିଲା ।

ସୁନାବେଡା ଅଭୟାରଣ୍ୟ ନୂଆପଡାରେ ଚମକିଲା

ଓଡ଼ିଶାର ଇତିହାସ ଏଇ ମାଟି ଯେ କହିଲା ।


ଦେଓମାଳି ଶୃଙ୍ଗ ଓଡ଼ିଶାର ଗର୍ବ ,

ଲୋକେ ପାଳନ୍ତି ଖୁସି ହେଇ ଚୈତ୍ର ପର୍ବ ।

ମାଲକାନଗିରି କହେ ବାଲିମେଳା ଡ୍ୟାମର କାହାଣୀ ,

କୋରାପୁଟର ସୌନ୍ଦର୍ଯ୍ୟ ଦିଏ ଖୁସିର ଲହରୀକୁ ଆଣି |


ସୁନ୍ଦର ରାଇଜ ମୋର ସୁନ୍ଦର ଏ ମାଟି,

ସୁନ୍ଦରତାରେ ଭରା ମୋ ଦେଶ ଓ ଗାଁଆଟି |

ଓଡିଶା ନୁହଇଁ କେବଳ ପୁରୀ, କୋଣାର୍କ, ଭୁବନେଶ୍ୱର,

ସୌନ୍ଦର୍ଯ୍ୟରେ ଭରା ତିରିଶି ଜିଲ୍ଲାର ଏ ସମାହାର ।|


Rate this content
Log in