ତୁଣ୍ଡ ବାଇଦ

     

ତୁଣ୍ଡ ବାଇଦରେ ତୁଣ୍ଡ ବାଇଦ

     ଡିବି ଡିବି ଡିବି କରୁ ଶବଦ

ମୁଣ୍ଡ ଘୁରିଯାଏ ଶବଦ ଶୁଣି

    ଶବଦେ ପୁରିଛି ବହୁ କାହାଣୀ l

ଚାହାଣି ମଣ୍ଡପୁ କମଳା ଚାହିଁ

    କହନ୍ତି ଶୁଣରେ ଭକତ ଭାଇ

କାଳିଆ ଭୁଆଁଟା କୁଆଡ଼େ ଗଲା

    ରସିକ ନାଗର ରସେ ରସିଲା l

ମନେ ପଡ଼ିଲେ କି ବ୍ରଜ ତରୁଣୀ

   ସଙ୍ଗେ ଯାଇଛନ୍ତି ଭାଇ ଭଉଣୀ

ଯେମନ୍ତ ଭଉଣୀ ତେମନ୍ତ ଭାଇ

    କାହାଣୀ ତାଙ୍କର କହିବି ନାହିଁ l

ନାଉ ଧୁଡୁକି ଲୋ ନାଉ ଧୁଡ଼ୁକି

     କୁଆଡ଼େ ଯାଉଛୁ ଗଡ଼ି ଗଡ଼ିକି

ଗୁଣ୍ଡିଚା ବାଡିକୁ ଟିକେ ତୁ ପଳା

    ନବ ଘନିଆର ଦେଖିବୁ ଲୀଳା l

ଏମନ୍ତ ଗେରସ୍ତ ସଂସାରେ କାହିଁ

   ବୁଲିଗଲେ ସଙ୍ଗେ ଭାରିଯା ନାହିଁ

ତୁଣ୍ଡ ବାଇଦରେ ତୁଣ୍ଡ ବାଇଦ

     ଗୁଣ୍ଡିଚା ବାଡ଼ିରେ କର ଶବଦ l

ତୁ ପରା ବୋଲାଉ ସହସ୍ର କୋସ

      ଚତୁର ମଣିକୁ ଦିଅ ସନ୍ଦେଶ

ଆସିଯିବ ଯେବେ ଭଉଣୀ ଭାଇ

  ଆଉ ମୋ ମନ୍ଦିରେ ପଶିବେ ନାହିଁ l

ତୁଣ୍ଡ ବାଇଦରେ ତୁଣ୍ଡ ବାଇଦ

      ଡିବି ଡିବି ଡିବି କର ଶବଦ l