ମାଆ ଆସୁଛନ୍ତି ବୋଲି
ମାଆ ଆସୁଛନ୍ତି ବୋଲି
ଦିଅ ହୁଳହୁଳି ଦିଅ କର ତାଳି
ବଜା ଶୁଭ ଶଙ୍ଖ ମଙ୍ଗଳ ମହୁରୀ
ହରିବୋଲ ହୁଳହୁଳି
ଘଣ୍ଟ ଘଣ୍ଟା ଭେରି ତୂରୀ
ଧୂପ ଦୀପ ସଜ୍ କରି
ଆଣଲୋ ବନ୍ଦାଣ ଥାଳି
ମାଆ ଆସୁଛନ୍ତି ବୋଲି ।
ଗଜ ବାହାନରେ ମାଆ ଆସୁଛନ୍ତି ଆଜି
ଦୁନିଆଁର ପଡ଼ି ଦାତ୍ରି ଗଜଲକ୍ଷ୍ମୀ ସାଜି
ଆଠ ରୂପେ ଅବତରି
ଅଷ୍ଟଲକ୍ଷ୍ମୀ ଅଷ୍ଟ ଶିରୀ
ପଦ୍ମ ଫୁଲେ ଶ୍ରଦ୍ଧା ଭାରି
ଆଣଲୋ ସେଥିରୁ ତୋଳି
ମାଆ ଆସୁଛନ୍ତି ବୋଲି ।
ଆଦି ଲକ୍ଷ୍ମୀ ଧନ ଲକ୍ଷ୍ମୀ ବଇଭବ ଲକ୍ଷ୍ମୀ
ଗଜଲକ୍ଷ୍ମୀ ଧୈର୍ଯ୍ୟଲକ୍ଷ୍ମୀ ପୁଣି ବିଦ୍ୟାଲକ୍ଷ୍ମୀ
ସନ୍ତାନ ବିଜୟା କାରୀ
ଆସେ ମାତା ଅବତରି
ପୁରି ଉଠେ ଜଗତରେ
ଧନ ଧାନ୍ୟ ଶୋଭା ଶିରୀ
ଦୁଃଖ ଶୋକ ଯାଏ ହରି ।