ନନ୍ଦକ ନନ୍ଦନ ଶ୍ୟାମ

ନନ୍ଦନେ ନନ୍ଦନ  ନବରସେ ପୂର୍ଣ୍ଣ

   ନରେଶ୍ୱର ନରୋତ୍ତମ

ନୀଳାଭି ନୟନ ତନୁ ଶ୍ୟାମବର୍ଣ୍ଣ

    ନନ୍ଦକ ନନ୍ଦନ ଶ୍ୟାମ

     ନବଘନ କି ସତେ

ନଭେ ଆଚ୍ଛାଦିତ  ତନୁ ପୁଲକିତ

    ନୀଳଘନେ ମରୁ ପ୍ରିତେ ।।

ନବରଙ୍ଗେ ନତ  ନବ ନିନାଦିତ

   ନୀଳ ଯମୁନା ତରଙ୍ଗ

ନବ ବିକଶିତ    କଦମ୍ବ କୁମୁଦ

   ନୀରୂପେ ନୀଳାଭ ରଙ୍ଗ

    ନୀ.କୁଞ୍ଜେ ତ୍ୱରିତେ

ନବ ପଲ୍ଲବିତା   ତୃଣ ତରୁ ଲତା

   ନାରାୟଣ ଆଗମନ୍ତେ ।।

ନେତ୍ରକୋଣେ ନେତ୍ର କରେ ନେତ୍ରପାତ

   ନିପୁଣା ଗୋପ ତରୁଣୀ

ନୈସର୍ଗିକ ପ୍ରେମ   ନିଦ୍ଧ ନିଷ୍ପିଡନ

   ନିଃସହାୟ ମନେ ମଣି

    ନିକଳପେ ନିରତେ

ନବ ଯୁବା ମନେ  ନବ ଉନ୍ମାଦନେ

    ନଗର ଗୋପ ବାଳୁତେ ।।

ନିକୁଳେ କୁଳିନା ଗୋପ ଗୋପାଙ୍ଗନା

  ନିଃସଙ୍କୋଚେ ଲଜ୍ଜ୍ୟା ତେଜି

ନିରଞ୍ଜନ ନୀରେ  ନବଧା ଭକ୍ତିରେ

   ନବନୀତ ହୃଦେ ହେଜି

    ନିରିମାଣି ସ୍ୱ ହସ୍ତେ

ନିକୁଞ୍ଜ ସୁସଞ୍ଚେ ରାସ କୁଞ୍ଜ ରଂଜେ

   ନଟବର ନଟ ନୃତ୍ୟେ ।।