ହେ ଖରା

            

ବସିଥିଲି ବସିଛି ବସିଥିବି ମୁଁ

ଉଠିବିନି ଆଉ ଉଠିବି ନାହିଁ କେବେ

ବାହାର କରିବନି ମୋ ଦେହରୁ

ଝାଳ ଯେତେ ଦିନ ଯାଏ l

ହେ ଖରା.....

ଭେଦି ଯାଅ ମୋ ଦେହରେ

ଜାଳି ଦିଅ ମୋ ପାପୀ ଶରୀରକୁ

ବାସ ଅଛି କୋଣ କୋଣରେ ଦାନବର 

ଜମିଛି ରକ୍ତ ବାହାର କର ତାକୁ l

ହେ ଖରା..... 

ପଶିଯାଅ ମୋ ଚିନ୍ତାରେ 

ଆବୃତି କରିନିଅ ମୋ ଚେତନାକୁ 

ବ୍ୟସ୍ତ ଥାଏ ଅହଙ୍କାର ପ୍ରବୃତ୍ତିରେ 

ବିନାଶ କରିଦିଅ ତାକୁ l

ହେ ଖରା..... 

ରଖିବିନି ଯହିଁ ମତାଲ ହୋଇଛି

କେବଳ ଆଉ କେବଳ ଗର୍ବରେ 

ପୋଡି ତାକୁ ଛିନ୍ ଭିନ୍ କରିଦିଅ 

ଯାହା ଅଛି ଲୋଭ ମୋହ ଦେହରେ l

ହେ ଖରା..... 

ଛାର୍ ଖାର୍ କରିଦିଅ ମୋ ଭାବନାକୁ 

କର୍ଦମାରେ ପୂର୍ଣ୍ଣ ଏ ଶରୀର 

ମଣିଷକୁ ଆପଣା କରିନି 

ଇସାରାରେ ଚାଲୁଛି ପୋକର l

ହେ ଖରା..... 

ଭେଦି ଯାଅ ମୋ ପ୍ରତି ରକ୍ତ ବିନ୍ଦୁରେ 

ଶୋଷି ନିଅ ସବୁ ମଇଳା ରକତ 

ଉଚ୍ଚ ନୀଚ୍ଚ ଭାବନା ଦେଖେଇ 

ଜାତି ନାମେ ଭେଦ କରେ ଅନ୍ଧ ଭକତ l

ହେ ଖରା.....

ନାହିଁ ସ୍ଥାନ ହାତ ପାଦର

ତରଳାଇ ଦିଅ ମୋ ଶରୀରକୁ

ବିକଳ ଦେଖି ହସି ବାକୁ ଜାଣି

ଉଠେନା ଦୁଃଖୀର ଲୁହ ପୋଛିବାକୁ l

ହେ ଖରା....

ବାହାର କରିଦିଅ ମୋ ଦେହରୁ ଝାଳ l