ଜୟ ମାତା ମହାଗୌରୀ

    

ଦକ୍ଷ ରାଜ ସୂତା     ସତୀ ପତିବ୍ରତା

       ଶିବଙ୍କ ହୃଦୟ ରାଣୀ

ବରି ପାଶୁପାତେ ଗୌରୀ ନାମେ ମାତେ

      ତ୍ରିଭୁବନେ ଖ୍ୟାତ ପୁଣି ।।

ଆଶ୍ୱିନ ଅଷ୍ଟମୀ     ଶୁକ୍ଲ ପକ୍ଷ ଘେନି

     ମହା ଗୌରୀ ରୂପ ଧରି

ଆସ ଧରା ପୃଷ୍ଠେ    ମାତା ଚର୍ତୁହସ୍ତେ

      ଅଷ୍ଟ ଅବତାର ବରି ।।

ବୃଷଭ ବାହନ      ଅବା ଗଜାନନ

    ପୃଷ୍ଠେ ମାତା ଅବତରି

ଶୋହେ ତବ କର     ଡମ୍ବରୁ ତ୍ରିଶୂଳ

     ଅନୁପମା ରୂପ ଶିରୀ ।।

ଭୁବନ ମୋହିନୀ     ମହିଷା ମର୍ଦ୍ଦିନୀ

       ଧର୍ମକୁ କର ସ୍ଥାପନା

ସର୍ବ ଶକ୍ତି ଧାରି    ମାତା ମହା ଗୌରୀ

       ନାହିଁ କେ ତୁମ ତୁଳନା ।।

ନାନା ଜାତି ଫୁଲ     ତୁମ ଅଳଙ୍କାର

    ନୈବେଦ୍ୟେ ଶ୍ରୀ ଫଳ ମାନ

ମହାଷ୍ଟମୀ ଦିନ    ତୋ ରୂପ ଦର୍ଶନ

    ମିଳେ କୋଟି ଜନ୍ମ ପୁଣ୍ୟ ।।