Click Here. Romance Combo up for Grabs to Read while it Rains!
Click Here. Romance Combo up for Grabs to Read while it Rains!

Prasanna Kumar Madala

Inspirational


5.0  

Prasanna Kumar Madala

Inspirational


ପାପ

ପାପ

1 min 497 1 min 497


କେଉଁ ଜନମରେ    କି ପାପ କରିଛୁ

କହି କି ପାରିବୁ ପୋକ

ପଚାସଢା ଏହି     ମଇଳା ଖାଇ ତୁ

କିପରି ମେଣ୍ଟାଉ ଭୋକ ।

କେବେଠାରୁ ଏହି   ଦୁର୍ଦ୍ଦଶା ଭୋଗୁଛୁ

ନର୍ଦ୍ଦମା ଭିତରେ ଥାଇ 

କର୍ମଫଳ ପାଇଁ    ଏ' ଜନ୍ମେ କିଅବା

ରହିଛୁ ନରକେ ଯାଇ ।

ସତ କହିଦେଲେ   ଜୀବନରେ ଆଉ

ସେ ପାପ କରିବି ନାହିଁ

ମନେ ପଡୁନାହିଁ   ମୋର ପାପ କଥା

ଯେତେ ଚେଷ୍ଟାକଲେ କାହିଁ ।

ମିଛ କହିଥିଲୁ     ଚୋରି କି କରିଲୁ

ବୁଦ୍ଧି କି ନଥିଲା ତୋର

ନାରୀହତ୍ୟା ଅବା   ଶିଶୁ ହତ୍ୟା କରି

ଭୋଗୁଛୁ ନରକ ଘୋର ?

କୁତ୍ସା ରଟି ରଟି     କଳହ ଭିଆଇ

ଭାଙ୍ଗିଛୁ କି କାହା ଘର

ଧର୍ଷଣକରି କି      ଏ ଜନ୍ମ ପାଇଲୁ

ନଥିଲା କି ମନେ ଡର ?

ଦାନ ଦୟା ଧର୍ମ    ପାସୋରି ସଭିଙ୍କୁ

ମଣି ନାହୁଁ କିରେ ହେୟ 

ଋଣଗ୍ରସ୍ତ ହୋଇ     ମରିଥିଲୁ କିବା  

ଶୁଝି ନପାରି ତୋ' ଦେୟ ?

କୁଳରେ କଳଙ୍କ    ଲଗାଇ ଥିଲୁ କି

କେବେ ହୋଇ ବ୍ୟଭିଚାରୀ

ଦେହ ଲାଳସାରେ  ଲମ୍ପଟ ହୋଇ ତୁ

ଧର୍ଷଣ କଲୁ କି ନାରୀ ?

ବ୍ରହ୍ମହତ୍ୟା କିମ୍ବା    ଗୁରୁହତ୍ୟା ସହ

ବଧ କି କରିଲୁ ଗାଈ

ଭୃଣହତ୍ଯା ଭଳି   ଜଘନ୍ୟ ପାପରେ        

ଏ ଜନ୍ମ କି ଅଛୁ ପାଇ ? 

କହ କହ ପୋକ  ତୋର ସେ ବୃତ୍ତାନ୍ତ

କରିଥିଲୁ ଯାହା ପାପ

ସତର୍କ ହେବି ମୁଁ    ସହିବି ପଛକେ

ଏବେଠାରୁ ଶୋକତାପ ।


Rate this content
Log in

More oriya poem from Prasanna Kumar Madala

Similar oriya poem from Inspirational