ଉପହାର

ଉଛ୍ସବ ବ୍ୟସନ ମେଳା ମଉଛବ

ହେଉ ଦୁଃଖ ଅବା ଖୁସି

ନିମନ୍ତ୍ରଣ ପାଇଁ ବନ୍ଧୁ ଦେଇଥାନ୍ତି

ପରିସ୍ଥିତି ଦେଖି ଭେଟି ।

ଆମ ପରମ୍ପରା ଆମର ସଂସ୍କୃତି

ହେଉ ବା ନୀତି ଆଦର୍ଶ

ରିକ୍ତହସ୍ତେ ଅନ୍ୟ ଉଛ୍ସବେ ପ୍ରବେଶ

ଭାବିଥାଉ ଅପରାଧ ।

ଏବେ ଆଉ ନାହିଁ ସେ କାଳ ପଖାଳ

ରହିଅଛି କିଛି ଛିଟା

ସ୍ନେହ ପ୍ରେମର ସେ ଶ୍ରଦ୍ଧା ଉପହାର

ହୋଇଲାଣି ଲୋକ ଦେଖା ।

ଦୁଃଖ ପଡିଥିଲେ ସଂସାର ଭିତରେ

ବୁଲି ବୁଲି ଗୋଡ ଧରେ

ସୁଖ ହୋଇଗଲେ ଚାହେଁ ନାହିଁ କେବେ

କାହାକୁ ଆଡ ଆଖିରେ ।

ସମ୍ମାନ କରିଲେ ସମ୍ମାନ ମିଳଇ

ଦେଇଥିଲେ କିଛି ପାଇ

ଶ୍ରଦ୍ଧା ଉପହାର ଓଜନ ହେଲାଣି

ବଡ଼ ସାନ ଭେଦ ନେଇ ।

ଚନ୍ଦନ ମିଶ୍ର