ଦଇବ ଦଉଡ଼ି
ଦଇବ ଦଉଡ଼ି
ଦଇବ ଦଉଡ଼ି ଟାଣଇ ଯୁଆଡେ
ସେ ଦିଗେ ମଣିଷ ଗତି
ଏହା ହିଁ ଚାଲିଛି ସୃଷ୍ଟି ଆରମ୍ଭରୁ
ବିଚିତ୍ର ଯେ ରୀତି ନୀତି।
ଅଳପ ଦିନର ରହଣୀ ଭିତରେ
ସମାଜର ହିତ ସାଧି
ଦଇବ କର୍ମରେ ସହଯୋଗ କରି
ବାହୁଡ଼ିବା ଆମ ବିଧି।
ଶାନ୍ତି ର କପୋତ ଆମେ ତ ମଣିଷ
ଅହିତ ନୁହଇଁ ଧର୍ମ
ଉତ୍ତମ କରମ ସମାଜ କଲ୍ୟାଣ
ଦେବାରେ ସଭିଏଁ ମନ।
ନିଜ ସ୍ବାର୍ଥ ପାଇଁ ଜନ୍ମ ହୋଇ ନାହିଁ
ଆମେ ରେ ଦୈବ ଅଧୀନ
ଦୈବ କର୍ମ କରି ମହତେ ଚଳିଲେ
ସାର୍ଥକ ହୁଏ ଜୀବନ।
ମଣିଷ ପଣିଆ ଦର୍ଶାଇ ପାରିଲେ
ଫେରିବ ସୁଖ ସମ୍ଭୃଦ୍ଧି
ହସିବ ମରତ ହସିବେ ଦେବତା
କୁ ପ୍ରବୃତ୍ତି ହେବ ବଦ୍ଧ।