ଜନ୍ମାଷ୍ଟମୀ
ଜନ୍ମାଷ୍ଟମୀ
ଜନମ ଲଭିଲ ହେ ଭାବ ଠାକୁର
ଶ୍ରୀକୃଷ୍ଣ କଳା ଶ୍ରୀହରି ।
ଭାଦ୍ରବ ମାସର ଅଷ୍ଟମୀ ତିଥିରେ
କୃଷ୍ଣପକ୍ଷ କଲ ଶିରୀ ।
ବିଶ୍ୱ ପାପଭାର ଲାଘବ କରିବା
ଏକମାତ୍ର ଥିଲା ଲକ୍ଷ୍ୟ ।
ଲୀଳାମୟ ପ୍ରଭୁ ବସୁଦେବ ସୁତ
କର୍ତ୍ତବ୍ୟରେ ଥିଲ ଦକ୍ଷ ।
ମାମୁଁ କଂସାସୁର ସଂହାରି ମଥୁରା
କଲ ବୈକୁଣ୍ଠ ସମାନ ।
ମହାଭାରତରେ ଶାନ୍ତି ପ୍ରତିଷ୍ଠାରେ
ଥିଲା ମୁଖ୍ୟ ଅବଦାନ ।
ଧନ୍ୟ ମାଁ ଦେବକୀ ଅଷ୍ଟମ ଗର୍ଭରେ
କରିଲେ ତୁମ୍ଭେ ଜନମ ।
ନନ୍ଦ ଯଶୋଦାଙ୍କ ପାଳନରେ କେବେ
ହୋଇ ନ ଥିଲାଟି ଭ୍ରମ ।
ତୁମ ଜନ୍ମଦିନ 'ଜନ୍ମାଷ୍ଟମୀ' ନାମେ
ବିଶ୍ୱ ବ୍ରହ୍ମାଣ୍ଡରେ ଖ୍ୟାତ ।
ଯୁଗେ ଯୁଗେ ଦୁଷ୍ଟ ସଂହାରି ହେ ପ୍ରଭୁ
ପାଳୁଥାଅ ଏ ଜଗତ ।