ସିଂହବାହିନୀ

ବରଷକ ଥରେ ଆସ ଅବତରି,

ରକ୍ଷା କରୁଅଛ ଦୁଷ୍ଟ ନାଶ କରି ।

ଧର୍ମ ସଂସ୍ଥାପନ କର୍ତ୍ତବ୍ୟ ତୁମର,

ପୂଜା କରୁଥିବୁ ମାଁ ତୁମ ପୟର ।

ଯୁଗେ ଯୁଗେ ମାଁ ଗୋ ମହିଷାମର୍ଦ୍ଦିନୀ,

ଘେନା କରୁଅଛ ଭକ୍ତଙ୍କ ଦୟିନୀ ।

ଧରାକୁ ମଣେ ଯେ ସରାର ସମାନ,

ତାକୁ ନାଶିବାକୁ ତୁମ୍ଭ ଆଗମନ ।

ଅନ୍ୟାୟ ଦୁର୍ନୀତି ପାର ନା ଗୋ ସହି,

ଦୁଷ୍ଟ ନାଶୀ ତୁମ୍ଭେ ରକ୍ଷା କର ମହୀ ।

ଗର୍ବ ଅହଂକାରେ ଘୃଣ୍ୟ ଦୃଷ୍ଟି ତୁମ,

ଖର୍ବ କର ବୋଲି ଦୁର୍ଗା ତବ ନାମ ।

ପାପୀ ମାନଙ୍କର କରିଣ ବିନାଶ,

ପୂଣ୍ୟ କର୍ମୀଙ୍କର ବଢ଼ାଅ ସାହସ ।

ଅନ୍ୟାୟକୁ ଯିଏ କରଇ ମାନଇ,

ତାକୁ ତୁମେ ମାଗୋ କର ଧରାଶାୟୀ ।

ତୁମେ ମାଁ ଗୋ ଦୁର୍ଗା ଅଟ ମହାଶକ୍ତି,

ହୃଦୟରୁ ସଦା କରୁଅଛି ଭକ୍ତି ।

ନବରାତ୍ରେ ତୁମେ ନବଦୁର୍ଗା ସାଜି,

ପାଳୁଛ ଜଗତ କୋଟି ଜୀବ ରାଜି ।

ତୁମ ଆବାହନେ ନବରାତ୍ରୀ ପୂଜା,

ଧରାବତରଣରେ ଆସ ଦଶଭୁଜା ।

ବିକଳେ କାନ୍ଦୁଛି ଧର୍ମ ଯେ ବାହୁନି,

ପାପୀଙ୍କୁ ବିନାଶ ହେ ସିଂହବାହିନୀ ।