ରଥଯାତ୍ରା

ସଜ ହୋଇଗଲା ଦର୍ପଦଳନ ଓ

ତାଳଧ୍ଵଜ, ନନ୍ଦିଘୋଷ ।

ପଥ ପ୍ରଦର୍ଶନ କରିବାକୁ ପ୍ରଭୁ

ବଡ଼ଦାଣ୍ଡେ ଥରେ ଆସ ।

ଲକ୍ଷ ଲକ୍ଷ ଭକ୍ତ ରୁଣ୍ଡ ହେଲେଣି ଯେ

ଦେଖିବେ କଳା ବଦନ ।

ଭାଇ ଭଗ୍ନୀ ସାଥେ ଚତୁର୍ଦ୍ଧା ମୂରତି

ଦେଖି ଅରଜିବେ ପୂଣ୍ୟ ।

ଜଗତ ସମ୍ରାଟ ରଥଯାତ୍ରା କରି

ଦେଖ ପ୍ରଭୁ ଜଗନ୍ନାଥ ।

କିଏ ସୁଖି କିଏ ଅବା ଦୁଃଖୀ

କିଏ ବା ଅଛି ଅନାଥ ।

ବରଷକେ ଥରେ ଆସିଅଛି ନାଥ

ଆଷାଢ଼ ଶୁକ୍ଳ ଦ୍ଵିତୀୟା ।

ବଡ଼ଦାଣ୍ଡେ ଆସି ଜଗତ ଦେଖିବ

ଟାକିଛି ମାଉସୀ ମାଆ ।

କୋଟି କୋଟି ଜନ କରି ନିବେଦନ

ଆକୁଳେ ଅଛନ୍ତି ଟାକି ।

ଦୁଃଖ ଦୂର କରି ସୁଖ ଦିଅ ପ୍ରଭୁ

ଆଉ ଯାହା ଅଛି ବାକି ।

ଜଗତ ପାଳନ କର ନାରାୟଣ

ରତ୍ନ ସିଂହାସନେ ବସି ।

ପାଳୁଛ ପ୍ରଭୁ ହେ ଜଗତକୁ ତୁମେ

ଭକ୍ତେ ଦେଇ ସଦା ଖୁସି ।

ଦୁଃଖୀ ଦରିଦ୍ରଙ୍କ ଦୁଃଖ ଦୂରକରି

ସୁଖ ଦେଉଥାଅ ନିତି ।

ବିପର୍ଯ୍ୟୟ ହରି ସକଳ ଜନଙ୍କୁ

ଦେଇଥାଅ ସଦା ଶାନ୍ତି ।

ରଥ ପରବରେ ପୁଣି ଆଉଥରେ

ରଥେ ବିରାଜିତ ହୋଇ ।

ବିନତି କରୁଛି ଦେଖିନିଅ ଥରେ

ପାଳୁଥିବା ତୁମ ମହୀ ।