ଯୁଗ ସ୍ରଷ୍ଟା ଅକ୍ଷୟ

ଚିର ବନ୍ଦନୀୟ ତୁମେ,

ଚାଲିଗଲ କେଉଁ ଧାମେ

ଯୁଗ ସ୍ରଷ୍ଟା ବନ୍ଧୁ ଦେଉଛୁ ବିଦାୟ

ଅମର ଅକ୍ଷୟ ନାମେ ।

କାଲି ଥିଲ ଆଜି ନାଇଁ,

ଛାଡ଼ିଗଲ କାହିଁ ପାଇଁ

ଝୁରି ହେଉଅଛୁଁ ଝୁରି ହେଉଥିବୁ

ଯେତେଦିନ ଥିବୁ ଜୀଇଁ ।

ଯୁଗ ସ୍ରଷ୍ଟା ହେ ଅକ୍ଷୟ,

ସୃଷ୍ଟି ତୁମ ବନ୍ଦନୀୟ

ଆଉ କି ପାଇବୁ ନୂଆଁ କୀର୍ତ୍ତିରାଜି

ଯାହାକି ଅମୃତମୟ ।

ପ୍ରତିଦିନ ପ୍ରତି କ୍ଷଣ,

ତୁମେ ଥିଲ ଆମ ପ୍ରାଣ

ତୁମ ବିନା ବନ୍ଧୁ ଅମୃତ ଅକ୍ଷୟ

ଜୀଇଁ ବି ନିର୍ଜୀବ ଜାଣ ।

କେଉଁଠିକି ଗଲ ଚାଲି,

ଆମକୁ ଯାଇଣ ଭୁଲି

ଯେଉଁଠି ବି ଥାଅ ଯେତେ ଦୁରେ ଥାଅ

ଘେନ ଆମ ଶ୍ରଦ୍ଧାଞ୍ଜଳି ।