ଦେଶପ୍ରେମୀ ଗଙ୍ଗାଧର
ଦେଶପ୍ରେମୀ ଗଙ୍ଗାଧର
ପଶ୍ଚିମ ଓଡିଶା ବରପାଲି ଗ୍ରାମେ
ଜନ୍ମି ପୂଜ୍ୟ ଗଙ୍ଗାଧର ।
କାବ୍ୟ ଓ କବିତା ଲେଖନୀ ମୁନରେ
ଲେଖିଲ ଦେଶପ୍ରେମର ।୧।
ପ୍ରକୃତିର କବି ହେ ମହାନ ସ୍ରଷ୍ଟା
ରାଜ୍ୟ ଦେଶ ଦେଶାନ୍ତର ।
ସୃଷ୍ଟି ତଵ ଖ୍ୟାତ ହେ ମହାନ କବି
ଦେଶପ୍ରେମୀ ଗଙ୍ଗାଧର ।୨।
ବିଶ୍ୱ ମଧୁମୟ ବିଶ୍ୱ ଜୀବନର
ପ୍ରଣୟ ବଲ୍ଲରୀ ଗାଥା ।
ଇନ୍ଦୁମତି ତଵ ବିଶ୍ୱ ଦରବାରେ
ଘୁରାଇ ଦେଉଛି ମଥା ।୩।
ତୀକ୍ଷ୍ଣ ଥିଲା ତଵ କଲମର ମୁନ
ଦେଶପ୍ରେମ ସୃଷ୍ଟି ପାଇଁ ।
କୌଳିକ ବୃତ୍ତିରୁ କବିତା ସମ୍ଭାର
ମାଗୁଥିଲା ଜନ୍ମଭୂଇଁ ।୪।
ତୁମପାଇଁ କବି ପଶ୍ଚିମ ଓଡିଶା
ସାହିତ୍ୟ ଜଗତେ ଶ୍ରେଷ୍ଠ ।
କବିତା ବନିତା ଦେଶପ୍ରେମ ଗାଥା
କରିଛି ପୁର ବୈକୁଣ୍ଠ ।୫।
କବିତା ଅମୃତ ବର୍ଷଣ କରିଣ
ଢାଳିଦେଲ ଦେଶପ୍ରେମ ।
ପ୍ରକୃତି ମାତାର ଯୋଗ୍ୟତମ ସୁତ
ଘେନିବ ମୋର ପ୍ରଣାମ ।୬।
--------------------