ଆସୁଛନ୍ତି ମହାକାଳି

ଆସୁଛନ୍ତି ମହାକାଳି କରାଳ ଵଦନୀ

ଶ୍ୟାମଅଙ୍ଗୀ ଜଗତର ତମ ବିନାଶିନୀ l

ଚତୁର୍ଭୁଜା ଦୟାମୟୀ ବିପୁଳା ଦଶନୀ

ଚଉଦ ଭୁବନେ ପୂଜ୍ୟା ଜଗତ ଜନନୀ l

ସଙ୍କଟା ବିକଟା ମାତ ଦେବୀ ମହୋତ୍କଟା

ଲହ ଲହ ଜିହ୍ଵା ତାଙ୍କ ସିନ୍ଦୁରର ଚିତା l

ନୃମୁଣ୍ଡ ମାଳିନୀ ମାତା ହସ୍ତେ ଛିନ୍ନମୁଣ୍ଡ

ପାପୀଙ୍କି ସଂହାରୀ କରିଥାନ୍ତି ଲଣ୍ଡଭଣ୍ଡ l

ଉନ୍ମୁକ୍ତ ଜଘନା ଶିବାରୁଢ଼ା ଦିଗାମ୍ବରୀ

ଶ୍ମଶାନବାସିନୀ ପୀନୋସ୍ତନୀ ଭୟଙ୍କରୀ l

ବିକଟ ହାସିନୀ କଟିଦେଶେ ହସ୍ତ ମାଳା

କରୁଣାମୟୀ ମାଆ ସେ ସନ୍ତାନ ବତ୍ସଳା l

ଖଡ୍ଗ ଖର୍ପର ହସ୍ତରେ ତିନିନେତ୍ରେ ଜ୍ୟୋତି

ଭୟପ୍ରଦ ଦେବୀ ପାପିଜନେ ଦ୍ୟନ୍ତି ଭୀତି l

ମହାରୋୖଦ୍ରି ମୁକ୍ତକେଶୀ ଦକ୍ଷିଣ କାଳିକା

ଯୋଗ୍ନିଗଣ ସଙ୍ଗେ ମାତ ମନ୍ଦାରମାଳିକା l

ମହୀ ପ୍ରକମ୍ପିତ ହେବ କିଳି କିଳା ରବେ

ଚଣ୍ଡୀ ଚାମୁଣ୍ଡାଙ୍କୁ ଧରି ବୁଲୁଥାନ୍ତି ସଙ୍ଗେ l

ଚଉଦବ୍ରହ୍ମାଣ୍ଡେ ତା'ର ଅବାଧରେ ଗତି

କରୁଣାମୟୀ ଜନନୀ ଜୀବଙ୍କର ମୁକ୍ତି l

ଦୁଷ୍ଟସଂହାରଣେ ଦେବୀ ଅତୀବ କରାଳ

ଗଳେ ତା'ର ଲମ୍ବି ଥାଇ ନରମୁଣ୍ଡ ମାଳ l

କାର୍ତ୍ତିକ ଅମାବାସ୍ୟାରେ ତାଙ୍କ ଦିବ୍ୟପୂଜା

ଜଗତରେ ବାଜିଲାଣି ଆଗମନୀ ବାଜା l

ସିଦ୍ଧି ପ୍ରଦାୟିନୀ ପଦେ କରିବା ଦୟିନୀ

ଦୟା ରଖିଥିବେ ନମସ୍ତୁତେ ନାରାୟଣୀ l