ଫେରିଆସ ଥରେ

ଫେରିଆସ ଥରେ ମୋ ପାଖକୁ ଥରେ

 ଆଜି ବି ଝୁରେ ମୋ ମନ ,

ତୁମ ସ୍ମୃତି ସବୁ ସାଇତି ରଖିଛି

ମତେ ମିଳିଯିବ ପିଲାଦିନ ।।୧

ବୟସ ତମେ ଯେ ଏମିତି ଧାରା ଟେ

ବହି ଚାଲିଗଲ ଜଲଦି ,

ଧୂଳିବାଲି ଘର ସାଙ୍ଗସାଥୀ ମେଳ

ଯାଇଛି ତା ସାଥେ ଚାଲି ।।୨

ତମେ ଆସିଗଲେ ଫେରି ଆସିବ ମୋ

ପିଲାଦିନ ଆଉଥରେ ,

ଏ ଡାଳୁ ସେ ଡାଳ ଡେଇଁ ବୁଲିବି ମୁଁ

 ବିହଙ୍ଗ ମୁକ୍ତ ଆକାଶରେ ।।୩

ଗାଁ ଦାଣ୍ଡେ ନାଚି କୁଦି ବୁଲିବି

 କୁମାର ପୂର୍ଣ୍ଣମୀ ରାତି ,

ରଜ ଦୋଳି ଖେଳି ମାଆ ପଣତରେ

 ଘ୍ରମ ମୋର ପୋଛୁଥିବି।।୪

ହେ ସମୟ ତମେ ଫେରିଆସ ଥରେ

ହେଉ ପ୍ରତୀକ୍ଷାର ଅବସାନ,

ଧାଇଁ ଧାଇଁ ଆଜି ଥକି ମୁଁ ଗଲାଣି

ମନ ହେଲାଣି ବିଷର୍ଣ୍ଣ ।।୫