ଅକୁହା କଥା***********
ଅକୁହା କଥା***********
ଜୀବନ ଆଉ ସମୟ ସହିତ
ସାଲିସ୍ କରି ଚାଲୁ ଚାଲୁ
ଅନେକ କଥା ଅକୁହା ରହିଯାଏ
ମନ ସିନ୍ଧୁକ ରେ ତାଲା ପଡି ,
ବେଳେ ବେଳେ ଇଚ୍ଛା ହୁଏ
ସେଇ ସ୍ମୃତି ସବୁ ସାଉଁଟିବାକୁ
ଖୋଲିଦେଇ ମରମ କଥା ର ପେଡ଼ି ।
ଝିପିଝିପି ବର୍ଷାରେ ଭିଜି ଭିଜି
ଘାସର କାନଭାସ୍ ରେ
ସାଧବବୋହୁ କୁ ଖୋଜୁ ଖୋଜୁ କେବେ
ସିହରଣ ଖେଳିଯାଏ ଚପଳ ମନରେ ,
ଭିଜା ଭିଜା ପାଦ ଦୁଇ ନାଚି ଉଠେ
ଆପେ ଆପେ ବର୍ଷା ସାଥେ ମତୁଆଲା ହେଇ।
କୁଆଁରୀ ମନ ତଳେ ଚାପି ହୋଇ ରହିଯାଏ
ଅସରନ୍ତି ଗପ ହୋଇ ପ୍ରୀତି ର ପହିଲି ପରଶ ,
ବେଦନା ର ଅନେକ କାହାଣୀ
ନ ଥାଇ କି ଅଗ୍ନି ର ସ୍ପୁଲିଙ୍ଗ
ଜଳି ପୋଡ଼ି ହୁଏ ଛାରଖାର
ନିନ୍ଦା ଆଉ ଅପବାଦ ର ବହ୍ନି ରେ ।
ମନର ବେଦନା ମନେ ମରିଯିଏ
ଅନ୍ତର ର ନିଭୃତ କୋଣରେ ,
ଅକୁହା ଅଦେଖା ଅପାଶୋରା
ସ୍ମୃତି ସବୁ ବସା ବାନ୍ଧେ ହୃଦୟରେ ,
ସ୍ବପ୍ନ ସବୁ ବୋହିଯାଏ ଲୁହ ହୋଇ
ଗଣ୍ଡଦେଶ ଦେଇ ଅଧରକୁ ଛୁଇଁ ।