Library
Profile
ଦିନେ ଧରାରେ ଶୁଦ୍ଧତା ଆସିବ
ଦିନେ ଧରାରେ ଶୁଦ୍ଧତା ଆସିବ
ଆମରି ଐତିହ୍ୟ, ଭାଇଚାରା ପର୍ବ, ଦୀପାବଳି
ଆଲୋକ ମାଳାରେ,
ଐଶାନ ଦେବତା ଆଶିଷ ଢ଼ାଳଥାଆନ୍ତି, ଆମ
ବଡ ବଡିଆ ଡାକରେ |୧|
ଚଉଦ ବରଷ, ବନବାସ ଶେଷେ,ଏଇ ଦିନର
କାର୍ତ୍ତିକ ଅମାବାସ୍ୟାରେ,
ରାମଙ୍କୁ ସମ୍ଭାଷଣ କରିଥିଲେ ଦୀପଜାଳି ନଗର
ପୁରପଲ୍ଲୀର ଦ୍ୱାରେ ଦ୍ୱାରେ |୨|
ଅନ୍ଧାରରେ ଡାକି, ପିଣ୍ଡ ଢାଳୁ ଅଛେ ଆଲୁଅ ଦୀପ
କୁ ଆମେ ଜାଳୁଛେ,
ଦୀପାବଳି ଦିନରେ କଲ୍ୟାଣ କରିବେ ଆମରି ବଂଶ
କୁ, ଜାଣିଅଛେ |୩|
ସଂସ୍କୃତ ଶ୍ଲୋକ "ଅସୋତମା ସଦ୍ ଗମୟ ତମୋସେମା
ର୍ଜ୍ୟୋଗମୟ,
ମୃର୍ତ୍ୟୋମା ଅମୃତ ଗମୟ" ବାଣୀ ଉଲ୍ଲାସରେ ହୁଅଇ
ସର୍ବମୟ |୪|
ଇର୍ଷା ଓ କପଟ ଜଳାଇ ତା' ସାଥିରେ ଭାଇ
ଚାରାକୁ ବାଣ୍ଟିଦେବା,
ଜାତି, ଧର୍ମ ଓ ବର୍ଣ୍ଣ ଭେଦର ବୈଷମ୍ୟତା ସବୁକୁ
ହଟାଇ ଦେବା |୫|
ଦୀପାବଳି ସନ୍ଧ୍ୟା ଭାଇଚାରା ବୃଦ୍ଧି କରିଥାଏ
ବୋଲି ସର୍ବତ୍ର ଆଦୃତ,
ଦୀପର ଶିଖାରେ, 'ସବୁଜ ବାଣ' ଫୁଟାଇବାରେ
ଧରା ହୁଏ ପ୍ରଦୂଷଣମୁକ୍ତ |୬|
"ମୁଁ" ରୂପୀ ତମସାରେ ଏବେ ଆତ୍ମ ଗରବେ
ସର୍ବେ ହୋଇଛେ ଲିପ୍ତ,
ଅହଂ ରୂପ ଭରିଛି, ଧରାକୁ ସରା ନମଣି ମାନବ
ହୁଅଇ ମଦମତ୍ତ |୭|
ମଣିଷପଣିଆ ଲୋପ ପାଇଅଛି, ମଣିଷ ହୁଅଇ
ଏବେ ପଶୁଠୁ ହୀନ,
ମନେ ଭାବୁଅଛେ, ଆସିବେ ମହାକାଳୀ ଦୂରାଚାରୀଙ୍କୁ
କରିବେ ଛିହ୍ନ |୮|
ଘିଅକୁ ଢାଳୁଅଛେ, ଜଳି ଜଳି ଯାଏ, କାହିଁ ଦେଖୁନି
ମହାକାଳୀଙ୍କୁ
ଆତସବାଜି ହୁଏ ଘରେ ଘରେ, ଛାଡୁନେ ଅହଂକାର
ରୁପୀ ଅନ୍ଧକାରକୁ |୯|
ଧନୀର ପ୍ରାସାଦରେ କେତେ ଆତସବାଜି ହୁଏ ଗରିବ
ଝୁମ୍ପୁଡିରୁ ଦେଖଇ,
ଦୀପାବଳି ଅନୁଚିନ୍ତାର ଦିନ, ସ୍ୱଭାବରେ ପରିବର୍ତ୍ତନ
କୁହ କାହିଁ? |୧୦|
ବୁଝ
ାମଣା ହୀନ ଅଶାନ୍ତରେ ହୃଦୟ, ରହେ ମନୁଷ୍ୟ
ଲୁହଭରା ଦୁଃଖରେ,
ଛାଇ ପଡିଲେ ଛୁଆଁ ହୁଏ, ମଣିଷଙ୍କୁ ମନୁଷ୍ୟ ଛୁଇଁ,
ଜାତି କି ନେଇରେ |୧୧|
ବଢିଆ ଧୋକାର ଶୀକାର ହୋଇଣ, ଘାରି ହୁଅନ୍ତି
ସର୍ବସାଧାରଣ,
ଧର୍ମକୁ ନେଇ, ହଣା କଟା, ମାଡ ଓ ଦ୍ବନ୍ଦ ଘଟୁ ଅଛି
ଦେଖ ପ୍ରତିକ୍ଷଣ |୧୨|
ପ୍ରତିକ୍ଷଣେ ନାରୀ ସମ୍ମୁଖୀନ ହୁଏ ସବଳ ଦ୍ୱାରା
ଘୃଣ୍ୟ ବଳାତ୍କାରର
ହାୟରେ ସମାଜ, ଶୀକାର କାହା କର୍ଣ୍ଣେ ବାଜେ
ନାହିଁ ଧର୍ଷଣର ଚିତ୍କାର |୧୩|
ଧନ, ସମ୍ପତ୍ତି ପାଇଁ ସମ୍ମୁଖୀନ ହୁଏ ନାରୀ, ଯୌତୁକ
ଜନିତ ଅତ୍ୟାଚାରର,
ପାରିବାରିକ ନିର୍ଯାତନା ଓ ଅନ୍ୟାନ୍ୟ ସରବ ପ୍ରକାର
ଘୃଣ୍ୟ ଅତ୍ୟାଚାରର |୧୪|
ସମାଜରେ ପ୍ରତିଷ୍ଠିତ ଥିବା ଆଇନ ଓ ଶାସନ ମନେ
ହୁଏ ମୂଲ୍ୟହୀନ,
ପାଇଅଛୁ ସ୍ଵାଧୀନତା, ସ୍ବପ୍ନ ଦେଖୁଅଛେ ଏ ଧରାରେ
ଆସିବ ପରିବର୍ତ୍ତନ |୧୫|
ଅତୀତ ସ୍ମୃତି, କେଡେ ମଧୁର ଥିଲା କିଏ ସେ ତାକୁ
ଚୋରେଇ ନେଲା ?
ଦୀପାବଳି ପର୍ବରେ ଆଲୁଅର ଦିନେ ଫେରେଇ ଦିଅ
ଯାହା ସବୁ ଥିଲା |୧୬|
ଆଜି ଦୀପାବଳି ଦିନରେ ହୃଦୟରେ ଧରି ଏସବୁ
ଆଘାତ ଦାଗକୁ,
ମନର ନିଭୃତ କୋଣେ ଚାହିଁଛି ଜନତା, କିଏ ସେ
ହଟେଇବେ ଅନ୍ୟାୟକୁ |୧୭|
ଆଶା ରହିଛି, ରାଗ, ହିଂସା, ଘୃଣା ର ପ୍ରତିବନ୍ଧକ ଦିନେ
ନା ଦିନେ ଚାଲି ଯିବ,
ତିମିର ହଟି ନିଶ୍ଚିତ ଦିନେ ନା ଦିନେ ତ ଏଇ ଧରାରେ ଶୁଦ୍ଧ,
ବାୟୁ, ଜଳ ମିଳିବ |୧୮||
ମନଷ୍ୟର ମାନବିକତା ଗୁଣ, ସ୍ଵାଭିମାନ ପ୍ରାଣ
ଦିନେ ତ ଜାଗି ଉଠିବ,
ଚତୁଃପାର୍ଶ୍ଵରେ ଦୁର୍ନୀତି ରାକ୍ଷସ କବଳରୁ ସମାଜ,
ମୁକ୍ତି ହିଁ ମୁକ୍ତି ହୋଇବ |୧୯|
ଦୀପାବଳି ଶୁଭେଚ୍ଛା
ଶୁଭ ଦୀପାବଳି ଓ ଧନତେରସ ର ଶୁଭେଚ୍ଛା ll
