Library
Profile
ଚୁପ ରହିବା ଶ୍ରେୟ
ଚୁପ ରହିବା ଶ୍ରେୟ
ମିଶିଛି ତ ବହୁତ ବନ୍ଧୁ ଓକିଲାତିରେ,
ପାଇଛି ମୁଁ ବହୁ ବନ୍ଧୁ ଚାଲନ୍ତି ଇର୍ଷାରେ |୧|
ମନ କେବଳ ତ ଅନ୍ୟକୁ ଶୋଷିବାରେ,
ମନ ଭରି ରହିଛି ତାଙ୍କର ନିଷ୍ଠୁରତାରେ |୨|
ବଂଚନ୍ତି ମନ ମଧ୍ୟେ ରହି ପ୍ରବଂଚନାରେ,
ଜଳନ୍ତି ବିଶ୍ୱାସ ଘାତକତାର ଜଉ ଘରେ |୩|
ସେବା ମନୋଭାବ ମୁଖଶାଳାଟା ଭାଙ୍ଗିଛି,
ମଣିଷର ମମତାର ପୁଟ ନିଶ୍ଚିହ୍ନ ହୋଇଛି |୪|
ଜୀବନର ଝରଣା ବହି ଯାଇଛି ଓ ବହୁଛି,
ଗଲା ବେଳେ ପଥର ଦେହରେ ବାଜିଅଛି |୫|
ଯେତେ ବାଡେଇ ହେଲେ ବି ସେ ପଥରକୁ
ବୁହାଇ ନେଇ ପାରେନା ସତ୍ୟ ସନ୍ଧାନୀଙ୍କୁ |୬|
ସୁସ୍ଥ ଥିବ, ସମୟ ଥିବ, କିଛି ଲୋକଙ୍କର,
ଚେଷ୍ଟା ପ୍ରୟାସ ରହିଥାଏ ପାଖକୁ ଯିବାର |୭|
ଅଛନ୍ତି ବହୁ ବନ୍ଧୁ ପ୍ରକୃତି ଛଳନା ତାଙ୍କର,
ସମୟ ଟାଣି ନେବ ସେମାନଙ୍କୁ ଏତେ ଦୂର |୮|
ରହିଥିବ ସେହି ବଡ ବଡ କହିବା ବ୍ୟକ୍ତିଟିଏ,
ଶୁଣିବା ବ୍ୟକ୍ତି ନଥିବ ତାର କଥା ଶୁଣିବ କିଏ |୯|
ଏକା ନିଜକୁ ମନେକରି ମୋ' ବାଟରେ ଚାଲିଛି,
ଶୁଣିବା ବ୍ୟକ୍ତି କମ କହିବା ବ୍ୟକ୍ତି ଅଧିକ ଜାଣିଛି |୧୦|
ବିକାରଗ୍ରସ୍ତ ମାନସିକତାରେ ମଣିଷ ଗ୍ରାସିତ,
ଅତି ଭୟଙ୍କର ମତାନ୍ଧତାରେ ମାନସିକତା ଭ୍ରଷ୍ଟ |୧୧|
ହାତେ ମାପି ଚାଖଣ୍ଡେ ଚାଲିବା ହିଁ ବିଧେୟ
ଦୃଢ଼ ମାନସିକତା ଜରୁରୀ, ଚୁପ ରହିବା ଶ୍ରେୟ |୧୨|
