Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Lata Behera

Abstract

4.5  

Lata Behera

Abstract

ଶେଷ ଠିକଣା

ଶେଷ ଠିକଣା

1 min
507



ଜୀବନ ତ ଥିଲେ ମରଣ ତ ଅଛି

   ଅଛି ତା ଶେଷ ଠିକଣା 

ସେ ଶେଷ ଠିକଣା ସାଥେ ରହି ଥାଏ

   ହୁଏ ଖାଲି ବାଟ ବଣା ।

ଜନମ ସାଥିରେ କପାଳରେ ଏହା

    ଲେଖି ଦେଇଅଛି ବିହି 

ଯିଏ ଯେତେ ବଡ ହେଉନା କାହିଁକି 

    ମୃତ୍ୟୁ ପାଖେ ଥାଏ ରହି ।

ମୃତ୍ୟୁକୁ ନା କିଏ କେବେ ଜିତି ଥାଏ

     ବଡ ସାନ ସେ ମାନେନା

କଞ୍ଚା ପାଚିଲା ସେ କିଛି ଦେଖେ ନାହିଁ 

    କାହାକୁ ବି ସେ ଛାଡେନା ।

ପାପ ପୁଣ୍ୟ ଏଠି ବିଚାର ହୁଅଇ 

     ଭୋଗିବାକୁ ପଡେ ସବୁ

କାଳର ପାଖରେ ଏଇତ ମଣିଷ 

    ହେଇ ଯାଇଥାଏ କାବୁ ।

ଆସି ଅଛେ ଏକା ଚାଲି ଯିବା ଏକା

   ସାଥିରେ ଯିବେନି କେହି

ପାପ ପୂଣ୍ୟ ଦୁଇ ସାଥେ ରହି ଥିବେ

   ତଉଲା ହୋଇବେ ସେହି ।

ଚିତ୍ରଗୁପ୍ତ ପାଞ୍ଜି ଦେଖି କହିଦେବେ

    ଦଣ୍ଡ ଦେବେ ଜନ୍ତୁପତି

ଯିଏ ଯୋଉ କର୍ମ କରି ଯାଇ ଥିବ 

    ଯମ ଦେବେ ନିଶ୍ଚେ ଶାସ୍ତି ।

ସବୁ ଜୀବନରେ ଶେଷ ଠିକଣା ବି

    ଅଲଗା ଅଲଗା ହୁଏ 

ସବୁ ଜୀବନର ବଞ୍ଚିବାର ଧାରା

    ଠିକଣାରେ ଲୁଚି ଥାଏ ।

ସକାଳରେ ସୂର୍ଯ୍ୟ ଉଦୟ ହେଇଣ

   ସନ୍ଧ୍ୟାରେ ଅସ୍ତ ଯାଆନ୍ତି 

ଦିନର ଠିକଣା ଶେଷ ହୁଏ ବୋଲି

    ସୂଚନା ସିଏ ଦିଅନ୍ତି ।

ସନ୍ଧ୍ୟା ଆସିଗଲେ ସନ୍ଧ୍ୟାତାରା ପୁଣି

    ସନ୍ଧ୍ୟାର ଠିକଣା ଦିଏ 

ସନ୍ଧ୍ୟା ଚାଲିଗଲେ ଆକାଶର ଚାନ୍ଦ

   ରାତିର ଠିକଣା ଦିଏ ।

ପାହାନ୍ତିର କୁଆଁତାରା ସୁନ୍ଦୂରାଟି

   ପ୍ରଭାତ ଠିକଣା ଦିଏ 

ଆକାଶରେ କଳା ବଉଦ ଘୋଟିଲେ

    ବରଷା ଠିକଣା ଦିଏ ।

ଦିନ ସରି ଯାଏ ରାତି ଚାଲିଯାଏ

   ଚାଲି ଯାଇଥାଏ ବର୍ଷ 

ନୂତନ ବରଷ ଠିକଣା ଦେଇ ସେ

    ପୁରୁଣା କରଇ ଶେଷ ।

ଜୀବନର ଚଲା ରାସ୍ତାରେ ବି କିଛି

    ନିଜର ଠିକଣା ଥାଏ

ଯିଏ ଯେତେ ଦୂର ଯାଉନା କାହିଁକି 

    ଠିକଣାକୁ ଖୋଜେ ସିଏ ।

ଭକତଟି ସଦା ପ୍ରଭୁଙ୍କ ଠିକଣା

    ହୃତୟରେ ଖୋଜୁଥାଏ

ଜୀବନର ଶେଷ ସମୟ ଠିକଣା

   ମଶାଣୀ ଭୂଇଁଟି ହୁଏ ।

ପ୍ରତି ଜୀବନରେ ଶେଷ ଯବନିକା

   ଶେଷ ଠିକଣା ତ ଏହି

ମଶାଣୀ ଜୁଇର ମୁଠାଏ ପାଉଁଶ 

   ଏଇ କଥା ଦିଏ କହି ।



Rate this content
Log in

Similar oriya poem from Abstract