Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Anita Dash

Abstract Inspirational Others

5  

Anita Dash

Abstract Inspirational Others

ଭକତି କୁସୁମାଂଜଳି

ଭକତି କୁସୁମାଂଜଳି

1 min
570



କାକର ବିନ୍ଦୁରେ, ଅସୀମ ସିନ୍ଧୁରେ

ରହିଛି ତୁମରି ଭିତ୍ତି,

ବିଦେହେ, ବିଗ୍ରହେ, ଦେହେ, ଦେବାଳୟେ,

ସବୁଠାରେ ତୁମ ସ୍ଥିତି । [୧]

ସୂରୁଯ, ଚନ୍ଦ୍ରମା, ରାତି, ଦିନ, ସବୁ

ତୁମରି ଆଦେଶେ ଚଳ,

ବିପଦ, ଆପଦ, ଆଶୀର୍ବାଦ, ଶାପ,

ତୁମ ଇଙ୍ଗିତର ଖେଳ । [୨]

ଆଖି ଖୋଲି ଦେଖେ, ତୁମେ ତୁମ ଗଢା

ଜଗତେ ରହିଛ ପୂରି,

ଆଖି ବୁଜିଦେଇ ଅନ୍ତରେ ଝାଙ୍କିଲେ

ପୂରିଛ ଶୂନ୍ୟ ବିହାରୀ । [୩]

ସବୁ ଜାଣି ଶୁଣି କସ୍ତୁରି ସନ୍ଧାନେ

ମନମୃଗ ହୁଏ ବାଇ ,

ମରୁଝର ଭ୍ରମେ ପଥିକ ଯେସନେ

ମରିଚୀକା ପଛେ ଧାଇଁ । [୪]

ମିଳନ ଆକୁଳେ ବିକଳ ପରାଣେ

ଶୂନ୍ୟ ଆକାଶର ତଳେ,

ଭକତି କୁସୁମେ ଅଂଜଳି ଭରି ମୁଁ

ସମର୍ପିଲି ପାଦ ତଳେ । [୫]

ପରଶମଣି ହେ! ତୁମ ସ୍ନେହ ସ୍ପର୍ଶ

ରହିଥାଉ ମୋ ହୃଦରେ,

ଦିବ୍ୟ ଚେତନାରେ, ପ୍ରଶାନ୍ତ ଚିତ୍ତ ମୋ

ଗାଉଥାଉ ନାମ ତୋରେ । [୬]

***********************


Rate this content
Log in