STORYMIRROR

Lata Behera

Abstract

4  

Lata Behera

Abstract

ଫଗୁଣ

ଫଗୁଣ

1 min
355



ମାଘ ମାସ ଗଲେ ଫଗୁଣ ଆସଇ

   ବସନ୍ତ ଋତୁଟି ଏଇ

ନବ ପଲ୍ଲବିତ ହୋଇଥାଏ ବୃକ୍ଷ 

   ସୌନ୍ଦର୍ଯ୍ଯ ତା ବଢି ଥାଇ ।


ଆମ୍ବ ଡାଳେ ବସି କୋଇଲିଟି ତାର

    କୁହୁ ତାନ କରୁ ଥାଇ

ପଞ୍ଚମ ତାନରେ ସୁମଧୁର ସୁରେ

    ମନ ମୋହି ନିଏ ସେଇ ।


ଫଗୁଣ ଆସିଲେ ଫଗୁର ଅବିରେ

   ରଙ୍ଗ ହୋଲି ଖେଳ ହେଇ 

ଦୋଳ ପୂର୍ଣ୍ଣିମାରେ ଲଉଡି ଖେଳରେ

   ନାଚନ୍ତି ଗୋପାଳ ଭାଇ ।


ଭକ୍ତଙ୍କ ଗହଣେ ବିମାନରେ ବସି

   ଘରେ ଘରେ କୃଷ୍ଣ ରାଈ

ପୂଜା ପାଉଥାନ୍ତି ଲବଣୀ ଖାଆନ୍ତି

   ଗୋପାଳେ ଥାନ୍ତି କାନ୍ଧେଇ ।


ଫଗୁଣ ଆସିଲେ ନାଲି ରଙ୍ଗ ମାଖି

    ପ୍ରକୃତି ରାଣୀ ହସଇ

ପଳାଶ ଶିମିଳି କୃଷ୍ଣ ଚୂଡା ଫୁଟେ

   ନାଲି ଟହ ଟହ ହେଇ ।


ନାଲି ପାଟ ଶାଢୀ ପିନ୍ଧି ଏଇ ଧରା

   ତନୁ ମନ ଯାଏ ଛୁଇଁ 

କରେ ବିମୋହିତ ସୌନ୍ଦର

୍ଯ୍ଯେ ମୋହିତ

   ବିଭୋର କରଇ ସେଇ ।


ରଙ୍ଗ ବେରଙ୍ଗର ଫୁଲ ଫୁଟି ଧରା

   କି ସୁନ୍ଦର ଦିଶୁ ଥାଇ

ମଲ୍ଲୀ ହେନା ଜୁଇ ବାସ ଚହଟାଇ

   ମହକାଇ ଥାଏ ଭୂଇଁ ।


ଫଗୁଣ ଆସିଲେ ଅନେକ ସପନ

    ଆଖିରେ ସେ ଭରି ଥାଇ

ମନକୁ ଚୋରାଇ ଚିତ୍ରା ପ୍ରଜାପତି 

    ଡେଣା ଝାଡି ଉଡୁ ଥାଇ ।


ବିନା ଶ୍ରାବଣରେ ପ୍ରେମର ବରଷା

    ଦେହକୁ ଭିଜେଇ ଥାଇ

ଇନ୍ଦ୍ରଧନୁର ସେ ସପତ ରଙ୍ଗରେ 

   ମନଟି ଦିଏ ରଙ୍ଗେଇ  ।


ଫଗୁଣ ପ୍ରକୃତି ସୌନ୍ଦର୍ଯ୍ଯ ରାଣୀଟି

     ଖିଲି ଖିଲି ହସୁଥାଇ

ନାଲି ଓଢଣୀର ଫାଙ୍କେ ଉଙ୍କି ମାରି

    ଆକାଶକୁ ଦେଖେ ସେଇ । 


ମୃଦ୍ୟୁ ମଳୟରେ ବହଇ ପବନ

    ହୃଦୟକୁ ଯାଏ ଛୁଇଁ   

ଏଇତ ଫଗୁଣ ପ୍ରେମର ପ୍ରତୀକ

    ପ୍ରେମରେ ସେ ଭିଜୁ ଥାଇ ।


Rate this content
Log in

Similar oriya poem from Abstract