କେମିତି

ଜାଣିଛି ହସିବା ଗୋଟେ ବ୍ୟାୟମ

ଦେହ ପାଇଁ ହିତ

ହେଲେ କେମିତି ହସିବି କୁହ ?

ଭାବେ ସକାଳୁ ଉଠି

ଦି କିଲୋମିଟର ଚାଳିବି

ଚାଲିଲେ ରକ୍ତ ସଞ୍ଚାଳନ ହବ 

ହେଲେ କେମିତି ଚାଲିବି କୁହ?

ମୁଣ୍ଡରେ ଅନେକ ଭାବନା 

କେତେ ଚରିତ୍ର କେତେ ପରିସ୍ଥିତି

ସାମ୍ନାରେ ଚାଲି ଯାଆନ୍ତି ସମସ୍ତେ

ହେଲେ କେମିତି ଦେଖିବି କୁହ ?

ଶୁଣେ ମଧୁର ଶବ୍ଦ

ଇଚ୍ଛା ହୁଏ କହିବାକୁ ଦିଅ ପଦ

ଗାଇବାକୁ କାଳିଆର ପ୍ରାର୍ଥନା

ହେଲେ କେମିତି ଗାଇବି କୁହ ?

ମୁଇଁ ତ ମୁକ ,ଅନ୍ଧ

ଜନ୍ମରୁ ପଙ୍ଗୁ, ଅକର୍ମଣ୍ୟ

କୁହ କାଳିଆ କୁହ ..

କେମିତି ମୁଁ ବଞ୍ଚିବି କୁହ ?