ଭାଗ୍ୟ ଚକ୍ର

ଅଚିନ୍ତାରେ ଶୋଇଛି ପୁଅ 

ଭୟ ନାହିଁ କି ଖାତିର ନାହିଁ

ବାପା ଅଛନ୍ତି ବୋଲି ତ ।

ଭୋକ ହେଲେ ଖାଇବାକୁ ଦେବେ

ବଜାରରୁ ମିଠା ଆଣିବେ 

ମନଜିଣା ଖେଳଣା ଆଣିବେ ।

ଜ୍ଵର ହେଲେ ଡାକ୍ତର ଡାକନ୍ତି

ଅନାସକ୍ତ ଭଲ ପାଇବା ଦିଅନ୍ତି

କେତେ କଠିନ ପରିଶ୍ରମ ।

ଲକ୍ଷ୍ୟ ତାଙ୍କ ଆଗୁଆ

ପୁଅର ଜନ୍ମରୁ ଦେଖିଛନ୍ତି ସ୍ଵପ୍ନ

ମୋ ପୁଅ ବଡମଣିଷ ହେବ ।

ପାଠପଢି ନାଁ କରିବ

ଛାତି ମୋର ଚଉଡା କରିବ 

ମୋ ସୁନା ମୋ ସୁନା ମୁଣ୍ଡା ।

ଦଇବର ଦାଉ

ନାଁ କି ପାପ କର୍ମର ଫଳ

ଏ ପାଦଟି ଆଜି ପାରାଲେସିସରେ ନିଶ୍ଚଳ ।

କେଜାଣି ମୋ ଆଖି ଲୁହ 

କାହାକୁ କରୁନି ଆଜି ବ୍ୟଥିତ

କି ଭୁଲ୍ ର ଏ ପ୍ରାୟଶ୍ଚିତ ।

ସ୍ନେହ ମମତାର ମହକ

ନାହିଁ ଆଉ କି ଚମକ

ଲାଗୁଛି କି ଆଜି ଦୁର୍ଗନ୍ଧ ।

ପୁଅ ଆଜି ମୋ ପାଇଁ ବାପ

ବାପା ବାପା ବାପା

ପାଉନି ପ୍ରତି ଉତ୍ତର ।