ଆସିଲା ବରଷା
ଆସିଲା ବରଷା
1 min
250
ଆକାଶର କଳା ବାଦଲ
ମନରେ ଭରିଦିଏ ଆଶା
ମୟୂର ନାଚି ଉଠେ
ଖୁସି ହୁଏ କେତେ ଚଷା ।
ଗୁଣୁ ଗୁଣୁ କରି ଗାଇଯାଏ
ଆଦିବାସୀ, ଦେଶିଆ ଗୀତ
ସଜବାଜ କରେ ହଳ,ଲଙ୍ଗଳ
ମାଟିକୁ ଭଲ ପାଏ ମାଟିର ମିତ ।
ଫୁଟିଲା ବାଲିରେ ଖୁଦ ଛତୁ
ପକ୍ଵ ହେଲା ଜାମୁକୋଳି
ଛୁଆ ଦିନର ସେଇ ଡଙ୍ଗାଖେଳ
କେବେ ବି ହବନି ସେ ଭୁଲି ।
ଦେଖ ହେ ସୁନ୍ଦର ଇନ୍ଦ୍ରଧନୁ
ରାମଗଡୁ ଥିପାଡଙ୍ଗରକୁ ଲମ୍ବିଛି
ସପ୍ତରଙ୍ଗରେ ସଜେଇ ହେଇ
ମୋ ଗାଆଁ ମାଟି ଆଜି ନିଆରା ଦିଶୁଛି ।
ବରଷା ଆସିଲା ଧରଣୀ ହସିଲା
ହସିଲା ଏ ଜୀବଜଗତ
ପଶୁପକ୍ଷୀ ,ବନ ପରବତ ଗାଇଲେ
ବରଷାରାଣୀର ମଙ୍ଗଳ ସଂଗୀତ ।