ଜୀବନ ଯାତ୍ରା

ହଜିବାକୁ ହେବ ଏ ମାୟା ସଂସାରରେ

ଖୋଜିବାକୁ ହେବ ଜୀବନର ମୂଳ ମନ୍ତ୍ର

କରିବାକୁ ହେବ ଭିନ୍ନ ଚରିତ୍ରେ ଅଭିନୟ 

କେବେ ଜୀବନ୍ତ ପୁଣି କେବେ କେବେ ଯନ୍ତ୍ର ।

ହାରିବାର ଭୟକୁ ଦୂରେଇ ଦେଇ ମନୁ 

ଜାଗ୍ରତ ରହିବାକୁ ହେବ ଆୟୁଧ ତୀଖ୍ଣ କରି 

ସାଜିବାକୁ ହେବ କେବେ ରାମ କେବେ ପର୍ଶୁରାମ

ଅମୃତ ପ୍ରାପ୍ତି ଆଶାରେ ଲହୁଲୁହାଣ ଲଢ଼େଇ କରି ।

ବିଶ୍ଵାସ ବଳିପଡେ ଏଠି ପଇସାର ମାୟାଜାଲେ

ଛିନ୍ନ କରେ ସଂପର୍କ ଭାଙ୍ଗିଦିଏ ଧର୍ମ ପରମ୍ପରା

ଚିହ୍ନିବାକୁ ହେବ ଅବିଶ୍ୱାସୀର‌ ବିଷ ମନ୍ତ୍ରଣା

କରିବାକୁ ହେବ ପଥର ହୃଦୟ ନହୋଇ ଧୈର୍ଯ୍ୟହରା ।

ଆଗେଇବାକୁ ହେବ ସମୟ ସହ ତାଲ ମେଲାଇ

ଚାଲିବାକୁ ହେବ କେତେ ବନ୍ଦୁର କଣ୍ଟକିତ ପଥ ଦେଇ 

କଣ୍ଟାର ଆଘାତେ ଆହା କି ରକ୍ତ ଜର୍ଜ୍ଜରିତ ପାଦ କଷ୍ଟ

ତଥାପି ଆଗେଇବାକୁ ହେବ ପୁଷ୍ପ ବାଟ ଆଶା ନେଇ ।