ଚରିତ୍ରକୁ କିଏ ଦେଖୁଛି

ଚରିତ୍ରକୁ କିଏ ଦେଖୁଛି

ଝିଅ ଘରବାଲା ବର ଖୋଜିଗଲେ

ଗୋଟିଗୋଟି କୋଠା ଗଣୁଛି 

ପୁଣି ପଚାରୁଛି

ପୁଅ ଉପୁରି କେତେ କମାଉଛି

ଏଠି  ଚରିତ୍ରକୁ କିଏ ଦେଖୁଛି।।

ମାଗୁର ନିଶୁଆ ଚନ୍ଦା ମୁଣ୍ଡିଆ 

ହିଆରେ ବାଳ ନଥାଉ ପଛେ

ସରକାରୀ ବର ଖୋଜୁଛି

ଯଦି ଉପରି ଦି ପଇସା ଅଛି

ପ୍ରସ୍ତାବଟା ମେଳ ଖାଉଛି।।

ଗାଁ କମିଟିର ମୁଖିଆ

ଟାଉଟର ନେତା ସତୀଆ

ପାଞ୍ଚ ବର୍ଷ ହେବ କହୁଛି

ପାଣି ବିନା ଗାଁ ମରୁଛି

ଲାଞ୍ଚ ନେଇ ବିଲ୍ ପାସ୍ କରୁଛି

ବାର ବାର ସରପଞ୍ଚ ହେଉଛି।।

ଗୋରୀ ଝିଅ ବିଏ ପଢିଛି

ପାଞ୍ଚ ଦଶ ବୟଫ୍ରେଣ୍ଡ୍ କରିଛି

ଶହଶହ ବିବାହ ପ୍ରସ୍ତାବ ଆସୁଛି

କାଳି ବୋଲି ସତୀ ଝିଅ ଆଖି ଭିଜୁଛି।।

ଆମ ଗାଁ ଟୋକା ରତନା 

ଲାଞ୍ଚ ଦେଇ ମାଷ୍ଟର ଚାକେରୀ କରିଛି

ଗାଁରେ ତା'ଭାଉ ବଢ଼ିଛି

ସୁନ୍ଦରୀ ଘରଣୀ ଖୋଜୁଛି

ଦି ଲକ୍ଷ ଯୌତୁକ ମାଗୁଛି

ଏଠି ଚରିତ୍ରକୁ କିଏ ଦେଖୁଛି।।