ଲାଇବ୍ରେରୀ
ପ୍ରୋଫାଇଲ୍
ବୟସର ଆୟୁଷ
ବୟସର ଆୟୁଷ
1 min
261
ଥରେ ପି ଯା ରେ ହରି ରସ
କେତେ ଦେଖୁଛୁ ତୁ ବୟସ
ବିତି ଯାଏ କେତେ ଦିନ
ତଥାପି ଦେଖୁଛୁ ସପନ
ଅଢେଇ ଦିନ ମଣିଷ ଜୀବନ
ଦିନେ ହୋଇଛୁ ଜନମ ଦିନେ ହେବ ମରଣ
ସବୁ ରସ ତୁହି ପିଇଲୁ ନୀତି
ବିଷୟା ବିଷରେ ରହିଛି ତୋ ମତି
କାମିନୀ କାଞ୍ଚନ ମୋହରେ ରହିଲୁ
ତୋ ବୟସ ବିତି ଯାଏ ତୁହି ଭୁଲିଲୁ
ମୋହ ନିଦ୍ରା ରେ କେତେ ଦିନ ଶୋଇବୁ
ଜ୍ଞାନ ନେତ୍ର କେବେ ତୋର ଖୋଲିବୁ
ବାଲ୍ୟ କାଳ ତୋର ବିତି ଗଲା
ଯୌବନ ତୋର ଅମୋଦ ପ୍ରମୋଦେ
କଟିଲା
ବୃଦ୍ଧ କାଳରେ କେତେ କଷ୍ଟ ଭୋଗିଲୁ
ରୋଗ ବ୍ୟାଧି ରେ ନୀତି ଦିନ ସାରିଲୁ
କେତେ ଦିନ ଆଉ ବନ୍ଧନରେ ରହିବୁ
କେବେ ତୁହି ନାମାମୃତ କୁ ପାନ
କରିବୁ
ମଣିଷ ଜନ୍ମ ତୋର ବ୍ୟର୍ଥ ହୋଇ ଯିବ
ଯେବେ ଗୋବିନ୍ଦେ ତୋର ଭାବ ନ ଆସିବ
ଚାଲି ଯାଉଛି ରେ ଏ ବୟସେ ଆୟୁଷ ତୋର
ସବୁ ଛାଡି ହରି ନାମ କୁ ଗଣ୍ଠି ଧନ ତୁହି କର ।
