ମୋ ଉତ୍କଳ ଭୂଇଁ

 ଯେଉଁଠି ଜନ୍ମ ଲଭିଛି ମୁଁହି
 ସେଇ ମୋ ପ୍ରିୟ ଉତ୍କଳ ଭୁଇଁ
 ପ୍ରଭୁ ଜଗନ୍ନାଥଙ୍କ ମନ୍ଦିର ଏଇଠି
 ଆମ ସଂସ୍କୃତି କଳା ବିଖ୍ୟାତ ସବୁଠି
 ଆମ ଓଡ଼ିଆ ଭାଷା ପ୍ରିୟ ଆମର
 କେଡେ ମିଠା କଥା କହି ଯାଏ ନିରନ୍ତର
ମନ୍ଦିର ଯେଉଁଠି କଥା କୁହେ ଆମର
 ତାର କାରୁକାର୍ଯ୍ୟ କୁ ବିଶ୍ବ କୁହେ ସୁନ୍ଦର
 ବାର ମାସରେ ଏଇଠି ହୁଏ ତେର ଯାତରା
 ଓଡ଼ିଶୀ ଛାନ୍ଦ ଚମ୍ପୁ ସବୁ ତାର ନିଆରା
 ଶିଳ୍ପୀ କେବେ ବାଲି ରେ ଆଙ୍କେ କଳା କୁ
 ପଥର ଖୋଦେଇ ଦର୍ଶାଇ ଦିଏ ମହାନତା କୁ
କୋଣାର୍କ ଯାହାର ପ୍ରାଚୀନ କୀର୍ତ୍ତି ଦେଖାଏ
 ଆମ ସଂସ୍କୃତି କୁ ସାରା ବିଶ୍ଵ କୁ ଜଣାଏ
ପୋଥି ପୁରାଣ ଯାହାର ଧର୍ମ କୁ କରେ ପ୍ରଚାର
ଆମ ଲୋକ କଳା ଗୌରବ ହୁଏ ଆମର
 ସାହିତ୍ୟ ସର୍ଜନା ପାଇଁ କବି ଯୁଗେ ଯୁଗେ ପୂଜିତ
 ଭାଷା ପାଇଁ ଆମେ ଦିନେ ହେଲୁ ଜାଗ୍ରତ
ମୋ ଉତ୍କଳ ଭୂଖଣ୍ଡ କୁ ମହାନଦୀ କରେ ପବିତ୍ର
 ମୋ ଜନ୍ମ ଭୂମି ସବୁଠୁ ନିଜର ଗୁଣ ଗାଏ ସର୍ବତ୍ର
 ସୂର୍ଣ୍ଣ ଭୂମି ବୀର ଭୂମି ଯାହାର କେବେ ତୁଳନା ନାହିଁ
 ଶାନ୍ତି ମୈତ୍ରୀ ଏକତା ରେ ବନ୍ଧା ମୋ ଉତ୍କଳ ଭୁଇଁ