Click here for New Arrivals! Titles you should read this August.
Click here for New Arrivals! Titles you should read this August.

Ramachandra Bhutia

Inspirational


4.5  

Ramachandra Bhutia

Inspirational


ପ୍ରଦୀପ ର ଅଭିଳାଷ

ପ୍ରଦୀପ ର ଅଭିଳାଷ

1 min 686 1 min 686

ପ୍ରଦୀପ ଟିଏ ମୁଁ ଜଳୁଥାଏ ନିତ୍ୟ

ଭସ୍ମ କରି ମୋର ଅଙ୍ଗ

ଲୋଡା ମୋ ଯେତିକି ସେତିକି ରେ ଖୁସି

ସେଇତ ମୋହର ଭାଗ୍ୟ ।


କେହି ଲୋଡ଼େ ମୋତେ ଦେବତା ପୂଜନେ

କେହି ଅବା ପଠନ ରେ

ଥିଲେ ବି ଯେଠାରେ କରେ ନାହିଁ ହେଳା

କର୍ତ୍ତବ୍ୟ ମୋ କରିବାରେ ।


ରାଜା ଅବା ରଙ୍କ ଧନୀ କି ଗରିବ

ଥାଏ ମୁଁ ସବୁରି ଘରେ

ଅପରେ ଆଲୋକ ଦେଖାଇ ନିଃଶେଷ

ଆନନ୍ଦ ମୋ ଜଳିବାରେ ।


ମାଟି ଘଟ ଅବା ସ୍ଵର୍ଣ୍ଣ କି ପିତ୍ତଳ

ଗଢା ରତ୍ନ ପଥରରେ

କରେ ନାହିଁ ହେଳା କର୍ମ କରିବାରେ

ଅନ୍ଧକାର ନାଶିବାରେ ।


ନାହିଁ ଅଭିଳାଷ ହେବା ପାଇଁ ମୋର

ସୂର୍ଯ୍ୟ ଚନ୍ଦ୍ର ତାରା ସମ

ଜାଣେ ମୁହିଁ କ୍ଷୁଦ୍ର ଜଳିବା ମୋ ଧର୍ମ

ଜଳି ନାଶୁଥାଏ ତମ ।


ହୋଇଥାଉ ପଛେ ଆୟୁ ମୋର ଅଳ୍ପ

ଜଳି ହୋଇଯାଏ ଶେଷ

ନ ହୁଏ ବିଚ୍ୟୁତ କର୍ତ୍ତବ୍ୟ ପଥରୁ

ଏତିକି ମୋ ଅଭିଳାଷ ।


Rate this content
Log in

More oriya poem from Ramachandra Bhutia

Similar oriya poem from Inspirational