ଧନ୍ୟ ଲୋ ମଙ୍ଗଳା ମାଆ
ଧନ୍ୟ ଲୋ ମଙ୍ଗଳା ମାଆ
ନବକଳେବର ଯୋଗ ପହଞ୍ଚିଲା
କାତର ଦଇତାପତି
ମାହାପ୍ରୁଭୁ ଆମ୍ଭ ଶରୀର ଛାଡ଼ିବେ
ଚିନ୍ତି ଫାଟିଯାଏ ଛାତି l
ମଙ୍ଗଳା ମାଆଙ୍କୁ ଶରଣ ପଶିଲେ
କାକଟପୁରରେ ଯାଇ
ମହାପ୍ରଭୁ ଛାଡ଼ି କେମନ୍ତେ ବଞ୍ଚିବୁ
କହ ମା' କରୁଣାମୟୀ l
ମଙ୍ଗଳା ବୋଇଲେ ବତ୍ସ ନ ଜାଣ କି
ହେ ଆଦି ସେବକଗଣ ?
ମହାପ୍ରଭୁଙ୍କ ଏ ମାନବୀୟ ଲୀଳା
ଶାସ୍ତ୍ରେ ଯା ଅଛି ପ୍ରମାଣ l
ମର୍ତ୍ତ୍ୟ ମଣ୍ଡଳରେ ଦେହଧାରୀ ଯେତେ
କାଳେ ହୁଅଇ ମରଣ
ଜାତସ୍ୟ ହି ଧ୍ରୁବ ମୃତ୍ୟୁ ଏହା ସତ୍ୟ
ଦେବତା ହେଲେହେଁ ଜାଣ l
କଥାଟିଏ ମୁହିଁ କହୁଛି ସରବେ ମନୁ
ଛାଡ଼ ଭ୍ରାନ୍ତି ଚିନ୍ତା
ଦିବ୍ୟଦାରୁ ଗୋଟି ବତାଇ ଦେଉଛି
ନିର୍ମାଣ ଦାରୁ ଦେବତା l
ବ୍ରହ୍ମକୁ ସଂସ୍ଥାପି ଦାରୁ ବ୍ରହ୍ମ ମୂର୍ତ୍ତି
ଶ୍ରୀକ୍ଷେତ୍ରେ ଥାପ ବହନ
ଆତ୍ମା ଅବିନାଶୀ ଆତ୍ମା ବ୍ରହ୍ମରାଶି
ଏ କଥା ହେବ ପ୍ରମାଣ l
ଜୀର୍ଣ୍ଣ ହେଲେ ବସ୍ତ୍ର ଦେହ ଯେହ୍ନେ
ନୂଆ ବସ୍ତ୍ର କରେ ପରିଧାନ
ଏକ ଘଟ ଛାଡ଼ି ଅତ୍ମା ସେହିପରି
ଆଶ୍ରେ ପୁଣି ଘଟ ଆନ l
ଧନ୍ୟ ଲୋ ମଙ୍ଗଳା ମାଆ ତୋ ମହିମା
ବଖାଣି ପାରେ କି ନର
ବୁଝାଇଲୁ ମାଆ ଦଇତାପତିଙ୍କୁ
ଦିବ୍ୟ ଜ୍ଞାନ ଏ ଶାସ୍ତ୍ରର l