ଲାଇବ୍ରେରୀ
ପ୍ରୋଫାଇଲ୍
ପ୍ରକୃତିର କୋପ
ପ୍ରକୃତିର କୋପ
ପ୍ରକୃତିର କୋପ
==========
ଦେଖୁଛତ ସବୁ ପ୍ରକୃତିର କୋପ l
ସମ୍ଭାଳି ପାରିବ ଅଛି କିଏ ବାପ ll
ବିନାବରଷାରେ କୁଳିଶ ବରଷେ l
ଗ୍ରୀଷମପଡୁଛି ମାର୍ଗଶିର ମାସେ ll
ବାତ୍ୟା ଭୂମି କମ୍ପ ଦୁର୍ଭିକ୍ଷ ମରୁଡ଼ି l
ମାଡ଼ି ଆସୁଅଛି ଘୋର ନଈବଢ଼ି ll
ବାଦଲ ଫଟେଇ କାହିଁ ବରଷିଲା l
ଗ୍ରାମଗଣ୍ଡାମାନ ଜଳେ ବହିଗଲା ll
ଦେଖୁଛ ଚକ୍ଷୁରେ ବିତ୍ପାତ ଏ ସବୁ l
ଚେତୁନାହଁକିଆଁ ହେତୁକରି ବାବୁ ll
କାହିଁ କେତେ ନିତି ଇନ୍ଧନଜାଳୁଛ l
ବାୟୁ ପ୍ରଦୂଷଣ ବଢ଼ାଇ ଚାଲୁଛ ll
ଖଣି କରି ପୃଥ୍ୱୀ ଗର୍ଭ କର ଶୂନ୍ୟ l
ବିଚାରନାହିଁ ଯେ ଆସିବ ଦୁର୍ଦ୍ଦିନ ll
ଜଙ୍ଗଲକୁ କାଟି କର ନରେ ପଦା l
ଦୁର୍ଲଭ ବରଷା କର ଯେ ସଉଦା ll
ଫଳ ତା'ର ଭାଇ ପ୍ରକୃତି ତାଣ୍ଡବ l
ଖାଣ୍ଡବ ପରାୟ ସବୁ ଧ୍ୱଂସହେବ ll
ଅକାଳରେ ନିଶ୍ଚେ ଆସିବ ପ୍ରଳୟ l
ସୃଷ୍ଟି ନାଶ ଯିବ ଏ କଥା ଟି ଥୟ ll
ବେଳ ଥାଉଁ ଥାଉଁ ହୁଅ ହୁସିଆର l
ପ୍ରକୃତି ଉପରେ ନ କର ପ୍ରହାର ll
ଜନ୍ତୁଙ୍କ କଲ୍ୟାଣେ ସୃଜି ଛନ୍ତି ବିଧି l
ପର୍ବତ, ନିର୍ଝର, ସରିତ, ବାରିଧି ll
ପ୍ରକୃତି ଉପରେ କରି ସୁ ବିଚାର l
ଆହରଣ କର ହେ ସମ୍ପଦ ତା'ର ll
ନୋହିଲେ ଆସିବ ନିଶ୍ଚୟ ଦୁର୍ଦ୍ଦିନ l
ତହୁଁଖାଲି ବୃଥା ଅରଣ୍ୟ ରୋଦନ ll
🙏🙏🙏
ଅର୍ଜୁନୀ
-----------
ଅର୍ଜୁନୀ ଚରଣ ବେହେରା
ମୋ - 7693091971
