ଏଇଟି ଆମର ଫୁଲବଗିଚା

ଶିଶୁ କବିତା 

  ଏଇଟି ଆମର ଫୁଲବଗିଚା 

   =============

ଏଇଟି ଆମର ଫୁଲ ବଗିଚା l 

   ତଳେ ପଡ଼ିଅଛି ଘାସ ଗାଲିଚା ll 

ଗାଲିଚା ଉପରେ ଟିକିଏ ବସ l 

      ନରମ ନରମ କଅଁଳ ଘାସ ll 

ଫୁଲ ଗଛ ସବୁ ଧାଡ଼ିକି ଧାଡ଼ି l 

      ଫୁଲ ଫୁଟିଛନ୍ତି ଧରିଛି କଢ଼ି ll 

ଯୁଈ ଯାଇ ମଲ୍ଲି କୁସୁମ କଳି l 

     ଫୁଲ ଚୁମି ଚୁମି ବୁଲନ୍ତି ଅଳି ll 

କୃଷ୍ଣଚୂଡ଼ା, ରାଧାଚୂଡ଼ା, ଟଗର l 

     ଫୁଟିଅଛି ଫୁଲ ଘଣ୍ଟ ମନ୍ଦାର ll 

ଘଣ୍ଟଟି କିପରି ସୁନ୍ଦର ଦୋଳେ l 

  ଘଣ୍ଟିବାଜୁଛି କି ଶମ୍ଭୁ ଦେଉଳେ ll 

ରଜନୀଗନ୍ଧାଟି ରଜନୀ ରାଣୀ l 

     ତରାଟ ସୁଗନ୍ଧରାଜ ରଙ୍ଗଣି ll 

ନିଆଳି ମାଧବୀ ସୂରୁଜମୁଖୀ l

    ସୂରୁଜଙ୍କୁ ଚାହିଁ ହୁଅନ୍ତି ସୁଖୀ ll 

ଗୋଲାପ ଚମ୍ପକ ବରଜମଲି l 

   ହେନା, ମୁଚୁକୁନ୍ଦ ଗଙ୍ଗଶିଉଳି ll 

ଅତି ମନୋହର ବରଷାକାଳ l 

   ତମାଳ ଫୁଟିଛି ମାଳକୁ ମାଳ ll 

ପୁନାଗ ଫୁଟିଲା ପ୍ରଫୁଲ୍ଲ ଅତି l 

   ଉଡ଼ି ଉଡ଼ି ବୁଲେ ପରଜାପତି ll 

ଚିତ୍ରିତ ପର ତା ଅତି ସୁଚାରୁ l 

  ମକରନ୍ଦ ଶୋଷି ନିଏ ଫୁଲରୁ ll 

ଲାଗିଛି ପଣସ ଆମ୍ବ ନଡ଼ିଆ l 

 ଜାମୁ ଲେମ୍ବୁ ଲିଚୁ ଭାରି ବଢ଼ିଆ ll 

ଏଗଛ ସେଗଛ ପକ୍ଷୀଏ ବୁଲି l 

    କି ସୁନ୍ଦର କରୁଛନ୍ତି କାକଳୀ ll 

ପାଣିଦେଇ ଗଛ ବଢ଼ାଏ ନିତି l

   ଜାତି ଜାତି ଫୁଲ ନିତି ଫୁଟନ୍ତି ll 

ଫୁଲକୁ କରେ ମୁଁ ଭାରିଆଦର l 

 ଫୁଲ ବଗିଚାଟି ଜୀବନ ମୋର ll 

ଶୁଣ ଶୁଣ ଭାଇ କହୁଛି ଫୁଲ l 

   ମୁହିଁ ତାକୁ ପାଏ ବହୁତ ଭଲ ll 

ଦୂରୁଦେଖି ଭାଇ ନବଢ଼ା ହାତ l 

  ପ୍ରଫୁଲ୍ଲିତ ହୁଅ ଗାଅ ସଂଗୀତ ll

           🙏🙏🙏

               ଅର୍ଜୁନୀ 

           -----------

ଅର୍ଜୁନୀ ଚରଣ ବେହେରା 

ମୋ - 7693091971