ଲାଇବ୍ରେରୀ
ପ୍ରୋଫାଇଲ୍
ମନୋହର ହେମନ୍ତ ଋତୁ
ମନୋହର ହେମନ୍ତ ଋତୁ
ମନୋହର ହେମନ୍ତ ଋତୁ
=============
ରୁଚିରନିର୍ମଳଶୋଭା ଜଗତେ ପ୍ରକାଶି l
ରୁଚିର ହେମନ୍ତଋତୁ ବିରାଜିଲା ଆସି ll
ଅଳ୍ପ ଅଳ୍ପ ଶୀତପଡ଼ି ଶିଶିର ରାତ୍ରିରେ l
ଗଙ୍ଗ ଶିଉଳିର ବାସ ଜନମନ ହରେ ll
ଶିଶିରରେ ନାଶଗଲେ ପଙ୍କଜ ସକଳ l
ଫୁଟିଛନ୍ତି ଜଳେ କଇଁ, କୁମୁଦ ଉତ୍ପଳ ll
ଶିଶିରର ବିନ୍ଦୁ ମୁକ୍ତା ପରି, ଦୂର୍ବାଦଳେ l
ଧନପତି ବର୍ଷିଛନ୍ତି କିବା ନିଶି କାଳେ ll
ନିର୍ମଳ ଚନ୍ଦ୍ରମଣ୍ଡଳ ନିଶିକାଳେ ଦେଖି l
ଚକ୍ରବାକ ଦମ୍ପତ୍ତିଏ ହେଉଛନ୍ତି ସୁଖି ll
ନିଶିବଡ଼ହୁଏ କ୍ରମେ ଦିନ ହୁଏ ଛୋଟ l
ହେମନ୍ତଅନ୍ତରେ ପଡ଼ିଯିବ ବଡ଼ଶୀତ ll
ହିମ ଋତୁରେ କାର୍ତ୍ତିକ ପୁଣି ମାର୍ଗଶିର l
ପୁଣ୍ୟମାସ ଦୁଇଟି ଏ ମାସଙ୍କଭିତର ll
ପ୍ରଭୁ ଦାମୋଦରଙ୍କର କାର୍ତ୍ତିକ ପୂଜନ l
ହବିଷ ପାଳିଲେ ସବୁ ପୁଣ୍ୟଅର୍ଥିଜନ ll
କାର୍ତ୍ତିକ ଅନ୍ତରେ ପ୍ରଭୁଙ୍କର ମହାରାସ l
ଆସିଗଲା ତହୁଁପୁଣି ମାର୍ଗଶିର ମାସ ll
ପକ୍ବଧାନ ମରତରେ ବାଜୁଅଛି ବାଜା l
ମାଣବସା ଘରଘର ସିନ୍ଧୁଜାଙ୍କ ପୂଜା ll
ଏମନ୍ତ ଏମନ୍ତ ଭାଇ ହେମନ୍ତ ଚଳିଲା l
ଅତିକଷ୍ଟଶୀତଋତୁ ପୁଷରେ ଆସିଲା ll
ମାଘରେ ପୂଜନପୁଣି ମାଆ ସରସ୍ୱତୀ l
ତାଙ୍କପଦେ ବାରମ୍ବାର କରୁଛି ପ୍ରଣତି ll
🙏🙏🙏
ଅର୍ଜୁନୀ
------------
ଅର୍ଜୁନୀ ଚରଣ ବେହେରା
ମୋ -7693091971
